Participo hoxe desde as 8,15 horas no faladoiro do Programa Voces
de Galicia, que modera en Radio Voz, Antía
Díaz. Nesta ocasión estivo tamén Maria Luz Canal.
Falamos en primeiro lugar do proxecto de orzamentos xerais do Estado para 2019 que Sanchez pretnde traer ás Cortes para a súa aprobación.
Dixen
que o pacto orzamentario entre Pablo Igrexas e Pedro Sánchez é a semente da
próxima crise económica en España porque nos leva a máis paro, máis impostos,
máis inflación e menos crecemento económico.
E que
máis que un acordo orzamentario, é un programa de campaña electoral e unha
peaxe para Podemos que pagaremos todos os españois.
Que, os
ingresos fiscais sobrestiman os ingresos
e a viabilidade de novos impostos. Os novos ingresos non serán suficientes para
cubrir os gastos previstos. Que, os gastos non teñen en conta o impacto total
das medidas en todos os niveis de goberno. En especial, subestima o custo da atención médica e a
educación. (CCAA).
Logo da
miña intervención en Radio Voz, ás 9,00 comezou a Sesión de Control na que o
presidente do Partido Popular, Pablo Casado, afirmou que Pedro Sánchez
“pretende que lle paguemos o aluguer da Moncloa con máis débeda, máis paro e
con outra recesión”. Ao seu xuízo o Goberno socialista “é unha ruína” e por iso
o PP “defenderá a España aquí, en Bruxelas e onde faga falta, dos nefastos
orzamentos que presenta”.
Durante
a súa intervención Casado lembrou que esta é a primeira vez na historia que se
presentan na Cámara e de forma ilegal uns orzamentos sen aprobar un teito de
gasto. “É a primeira vez que se presentan uns
PGE nun panfleto partidista cun logotipo do Goberno de España que parece
un besamanos ao partido
Podemos”,asegurou.
Con todo e segundo lembrou Casado, non é a primeira vez que
o Partido Socialista presenta uns orzamentos “manipulando gastos e ingresos,
subindo o déficit, os impostos e arruinando a España”. “Xa o fixeron no 96 e no
2011” porque Pedro Sánchez converteuse “nun plaxio de Zapatero”. Sánchez, era
xa deputado no 2009 cando Rodríguez Zapatero “alongou unha lexislatura acabada
sepultándoa no formigón do Plan E”.
O
presidente do Partido Popular resaltou que Sánchez recibiu un país que crecía
ao 3%, con tres millóns máis de empregos, coas contas saneadas e cuns
orzamentos aprobados que subían o soldo aos funcionarios, o salario mínimo e as
pensións. “Nós tamén queremos subir o salario mínimo e as pensións pero non á
conta de máis paro”.
Neste
punto, Casado recomendou ao presidente do Executivo que baixe impostos, abarate
as contratacións e así crecerá a economía, contratarase a máis xente e poderán
subir os salarios. “O que vostedes fixeron é subir todos os impostos, o de
patrimonio, aforro, renda transaccións financeiras e tecnolóxicas: un inferno fiscal”,reiterou.
Ao seu xuízo os PGE do Partido
Socialista se “ ensañan” con tres millóns de autónomos e dezasete millóns de
condutores de coches diésel. “O socialismo fracasa cando se acaba o diñeiro dos
demais” e, por iso, “o que interesa aos españois é que fracase o seu Goberno
antes de que unha vez máis, volvan arruinar a España”.
Así mesmo Casado asegurou que o Goberno que vendeu España aos
independentistas por uns votos na moción de censura, que mandou a Igrexas a
negociar cun preso golpista ou que manda a Zapatero a negociar os orzamentos
supostamente cun terrorista como Otegi, non está en condicións de falar de
patriotismo.
Recibirá resposta
