O deseño
técnico foi asumido pola Consellería de Infraestruturas e Vivenda da Xunta de Galicia, que financia o 67 % do
custe da obra.
A construción deste
aparcadoiro responde o Convenio Marco de Colaboración subscrito o 22 de xuño de
2016 - etapa de goberno do Partido Popular- entre o Ministerio de Fomento, Adif AV, a Xunta de Galicia e o Concello de
Ourense, para o desenvolvemento da futura estación intermodal na cidade e a súa
contorna urbana.
Novo aparcadoiro
O novo aparcadoiro,
que terá capacidade para 302 prazas en dúas plantas, situarase no subsolo da
Praza da Estación e xunto á nova estación de autobuses, garantindo o efectivo
intercambio modal para os usuarios.
O soto 1 albergará
145 prazas e o soto 2 inclúe 157. Do total de prazas reservaranse cinco en cada
soto para persoas con mobilidade reducida.
Ademais, a actuación
contempla a reordenación da Praza da Estación, incluíndo bolsa de taxis, zonas
de parada momentánea, aparcadoiro de motos e bicicletas, etc.
O resultado final
deste espazo liberado de vehículos, tras a adaptación da estación de
ferrocarril aos servizos de alta velocidade, será unha nova praza peonil
cuberta na fronte da estación actual, que funcionará como nodo intermodal e gran espazo público
representativo, conectando a estación de ferrocarril, a nova estación de
autobuses, o novo aparcadoiro subterráneo e a nova pasarela peonil urbana entre
os barrios de “O Vinte e un” e “A Ponte”.
Estación intermodal
de Ourense.
Na nota difundida
por Adif-Av ponse de manifesto que a nova
estación ferroviaria de Ourense, contempla investimentos por un importe total
de 146,1 M€ (IVE incluído), e que está
integrada dentro dunha estratexia global urbana nun espazo intermodal, onde se
situará tamén a estación de autobuses, a cargo @de la Xunta de Galicia.
O proxecto para a
estación está desenvolto polo prestixioso equipo de arquitectos de Foster+ Partners, e nel participou tamén a
enxeñería pública Ineco. A proposta dá
resposta tanto ás necesidades ferroviarias, como de mobilidade e permeabilidade
na cidade.
Recibirá resposta
