Neste Blog daba conta desta boa nova o mesmo día:
http://www.celsodelgado.gal/2018/05/informa-hoy-e-ministerio-de-fomento.html
Pois ben, dando continuidade a aquela nova, informa hoxe Adif Alta Velocidade que deu un novo impulso á Liña de Alta Velocidade (LAV) Madrid, pertencente ao Corredor Norte-Noroeste, ao aprobar a adxudicación de diversos contratos, por importe global de 66.138.113,97 euros (IVE incluído), para o avance dos traballos no traxecto comprendido entre Pedralba de la Pradería (Zamora) e Ourense.
Trátase básicamente de dar conta da adxudicación dos contratos aprobados en maio de 2018, e que foron licitados no BOE en datas sucesivas.
Na nota informativa
resalta “que este investimento reforza o compromiso adquirido de completar
a LAV Madrid-Galicia en 2019, para o
que Adif AV continúa avanzando nos
procesos necesarios para a conclusión da
LAV e a progresiva redución dos tempos de viaxe desde Madrid e a Meseta
ata a Comunidade Galega.
Implantación de ancho estándar no tramo
Taboadela-Ourense
 |
| Actuáis andenes en Taboadela |
Para facilitar a
chegada da alta velocidade desde Zamora á estación de Ourense dando
continuidade á LAV Madrid-Galicia, é
necesaria a implantación de vía en ancho estándar (1.435 mm) sobre o corredor
ferroviario actual entre as estacións de Taboadela e Ourense, nunha lonxitude
aproximada de 13 km.
As principais
actuacións incluídas neste contrato, que foi adxudicado por 16.308.537,40 euros (IVE incluído) á
UTE formada por Copasa e Cosfesa, son as
seguintes:
- Renovación da
superestrutura de vía existente ( balasto, carril e travesas).
- Implantación de
ancho mixto (terceiro fío).
- Montaxe de vía en
placa en dous pequenos tramos de vía.
- Adecuación do
trazado para homoxeneizar velocidades e garantir o cumprimento dos gálibos e alturas libres que permitan a súa
electrificación (a electrificación do tramo é obxecto doutro contrato).
 |
| Túnel de San Francisco |
-
Impermeabilización dos catro túneles do tramo e execución dunha galería de
emerxencia no túnel de San Francisco.
- Demolición da
plataforma lateral sen uso do apeadeiro de Ourense-San Francisco.
- Adecuación da
drenaxe existente á nova configuración de vías.
- Execución de canaletas para comunicacións e cimentación
dos postes de catenaria.
- Reposición de
servizos afectados.
Cambiador de ancho de Taboadela e ramal de conexión
coa LAV
A solución adoptada
permitirá a conexión da LAV Madrid-Galicia,
ao final do tramo Ponte Ambía-Taboadela,
coa liña convencional Zamora-Ourense, para favorecer a continuidade das
circulacións ata esta cidade mentres se tramita e constrúe a denominada
Variante Exterior.
 |
| Cambiador de ancho |
A instalación
consta dun foso de 12,4 m x 17 m no que se coloca o cambiador, quedando todo o conxunto no
interior dunha nave metálica. A ambos os dous lados do foso dispóñense dous
tramos de vía embebida de 9,85 e 9,44 m,
respectivamente, e 4 m de anchura.
Complétase a instalación con dous fosos de observación situados nos extremos do
conxunto.
O cambiador incorpora unha zona para instalacións,
situada nunha laxa armada con cinco módulos que albergan os distintos
equipamentos.
Montaxe de vía do tramo
Pedralba- Campobecerros
Outra das adxudicacións aprobadas é a do contrato de montaxe de vía do tramo Pedralba de la Pradería- Campobecerros (Ourense), de 56,1 km de lonxitude, cuxo orzamento ascende a 28.248.490,6 euros (IVE incluído), sendo adxudicataria a empresa Ferrovial Agromán.
O trazado discorre
practicamente en toda a súa lonxitude sobre dúas plataformas de vía única
independentes (unha para cada vía). Soamente o túnel de Pedralba e o viaduto de Requejo, ao principio
do tramo, están construídos con plataforma para vía dobre.
As dúas vías irán
montadas parte en balasto e parte en
placa, en ancho estándar (1.435 mm). Tamén é obxecto deste proxecto a
instalación de vía auxiliar ata a provisión de
balasto de Pedralba e a base de
montaxe da Mezquita, así como a restauración das dúas zonas de provisión
de balasto.
Subministración de material de vía (tramo Pedralba-Ourense)
Tamén se aprobou a
adxudicación da subministración e transporte de desvíos ferroviarios para o
tramo Pedralba-Ourense, por importe de 16.449.416,10 euros (IVE incluído), á
empresa JEZ Sistemas Ferroviarios.
Este contrato, que
foi adxudicado a Talleres Alegría, contempla a adquisición dun total de 68
aparellos de dilatación de diversas tipoloxías, válidos nalgúns casos para vía
montada sobre placa de formigón e, noutros, para vía montada sobre balasto. Así mesmo, inclúe a
fabricación, premontaje e comprobación
en taller dos aparellos; o traslado ás zonas de provisión que se determine; e a
asistencia técnica durante as fases de colocación en vía, nivelación e
aliñación, etc.”
Celebro moito a adxudicación destes contratos por ADIF AV que fan mais próxima a data de conclusión destas ansiadas obras. Parabéns.
Como teño escrito e dito moitas outras veces, estamos ante obras de Estado, prioritarias, custeadas con diñeiro público.
Estas actuacións das que falamos hoxe foron aprobadas na etapa de goberno do Partido Popular e trala moción de censura, son adxudicadas agora na etapa de Goberno do Partido Socialista. Previsiblemente á súa conclusión as responsabilidades de Goberno estarán noutras mans, pero iso dependerá dos electores.
O realmente importante é que as obras avancen e que os cidadáns moi pronto as gocen e teñan unha movilidade ferroviaria coa maior calidade e seguridade.
Recibirá resposta
Celebro moito a adxudicación destes contratos por ADIF AV que fan mais próxima a data de conclusión destas ansiadas obras. Parabéns.
Como teño escrito e dito moitas outras veces, estamos ante obras de Estado, prioritarias, custeadas con diñeiro público.
Estas actuacións das que falamos hoxe foron aprobadas na etapa de goberno do Partido Popular e trala moción de censura, son adxudicadas agora na etapa de Goberno do Partido Socialista. Previsiblemente á súa conclusión as responsabilidades de Goberno estarán noutras mans, pero iso dependerá dos electores.
O realmente importante é que as obras avancen e que os cidadáns moi pronto as gocen e teñan unha movilidade ferroviaria coa maior calidade e seguridade.
