Decidín empregar o día de onte a visitar as
obras da liña de alta velocidade a
Galicia no tramo que vá desde Zamora ata Pedralba de la Pradería.
Despraceime no meu coche nun día moi frío aínda que a medida que foron pasando as horas, o sol fixo acto de presenza.
Dou conta agora – co apoio destas fotografías que
fixen - do que ví nesta viaxe que comezou en Otero de Sanabría, logo en Pedralba de la Pradería e finalmente en Zamora.
ESTACIÓN DE OTERO DE SANABRIA
Nunha entrada deste
Blog do pasado 12 de marzo de 2018 daba conta de que Adif Alta Velocidade
aprobara a adxudicación do contrato de obras do proxecto de construción da
estación de alta velocidade de Sanabria (Zamora), inscrita no tramo Cernadilla-Pedralba
de la Pradería do Corredor Norte-Noroeste de alta velocidade ferroviaria.
O contrato, cuxo
importe ascende a 4.009.940 euros (IVE incluído), foi adxudicado á UTE
COPISA-EASA, tiña un prazo de execución
de 9 meses.
Informaba naquel
momento Adif -AV que as obras do tramo Zamora-Pedralba de la Pradería, da LAV
Madrid-Galicia, concluirían, como se comprometeu, a finais de 2018, data na que
comezará a fase de probas.
E tamén dicían que as
obras de construción da estación de alta velocidade de Sanabria non afectaban a
estes prazos, xa que a liña pódese poñer en servizo mentres se continúa
traballando para finalizar as obras da estación.
A citada estación
constrúese na localidade de Otero de Sanabria , no termo municipal de Palacios
de Sanabria, e o acceso realizarase a través dun novo viario de conexión coa
estrada nacional N-525, que á súa vez enlaza coa autovía das Rías Baixas
(A-52).
O proxecto – informaba ADIF
AV - comprende a execución das seguintes actuacións:
- A construción dun
novo tramo de 160 m de lonxitude que conecte o viario de acceso ao PAET (Posto
de Adiantamento e Estacionamento de Trens) coa urbanización da estación.
- O novo edificio de
viaxeiros.
- A urbanización da
estación: praza de acceso e áreas peonís.
- Aparcadoiro en
superficie.
- Pasarela de conexión
entre plataformas, escaleiras e rampla.
- Plataformas (soleira,
pavimentos e pezas de bordo).
- Revexetación de
taludes e restauración do ámbito de actuación.
- Marquesiñas e
mobiliario de plataformas.
Pois ben na visita de
onte puiden ver un bo número de operarios e máquinas que estaban a
traballar na construción da pasarela de conexión entre as plataformas e tamén que
está en execución a cuberta do novo edificio de viaxeiros, e outras instalacións.
O viario de conexión
coa N-525 está prácticamente rematado, aínda que non
está aberto á circulación.
En definitiva unhas
obras sen rematar na plataforma e na electrificación pero en todo caso moi avanzadas.
 |
CAMBIADOR DE ANCHOS DE LOBEZNOS (PEDRALBA DE LA PRADERÍA)
Nunha entrada deste
Blog do pasado 1 de abril de 2017 daba conta de que Adif Alta Velocidade adxudicara
a construcción do cambiador o 29 de marzo dese ano á empresa AZVI por 5.195.991
euros (IVE incluído) e cun prazo de execución de 13 meses.
Un cambiador que permitirá conectar a vía
única sen electrificar de ancho convencional Zamora-A Coruña, á altura do punto
quilométrico 112, co novo tramo de alta velocidade en construción
Zamora-Lubián, nunha zona de intersección de ambos os trazados próxima a Lobeznos
- Pedralba.
Unha instalación que posibilitará o uso do
111 km de trazado de alta velocidade entre Zamora e Pedralba de la Pradería,
mentres finaliza a construción do tramo Pedralba-Ourense (118 km
aproximadamente).
O
obxectivo do cambiador de anchos dual de Lobeznos é a mellora no aproveitamento
da explotación conxunta da rede de Alta Velocidade e a rede de ancho
convencional, o que redundará en aforros nos tempos de viaxe e na mellora da
xestión dos activos ferroviarios.
Así,
actúase nunha lonxitude total de 1.083 m, dos que 580 aproximadamente
son en
ancho estándar ou internacional (1.435 mm), outros 420 m en ancho convencional
ou ibérico e os 83 m restantes corresponden a unha vía mango de seguridade en
ancho convencional, situada antes da conexión coa vía convencional Zamora-A
Coruña.
As instalacións do cambiador de anchos constan dun foso de dimensións interiores de 16 m de lonxitude e 7,4 m de anchura, no que se situará un cambiador de anchos dual, no interior dunha nave. A instalación complétase con fosos de observación, que permiten o control dos eixos dos trens, previamente ao proceso de cambio de anchos.
Pois ben na visita de
onte, despois de visitar a vella estación de Pedralba de la Pradería puíden ver o cambiador de Lobeznos terminado, áinda que acredito que siguen as obras
no enlace coa vía convencional.
TRAXECTO ENTRE ZAMORA E
PEDRALBA DE LA PRADERÍA
Finalizada a visita a
Lobeznos, viaxei en coche ata Zamora, deténdome en varios puntos polos
que transcorre a nova liña ferroviaria e constato que a plataforma e a
superestrutura está prácticamente
finalizada.
 |
| Vías na estación de Zamora |
Sinalar
que na estación de Zamora, Adif Alta Velocidade está levando a cabo entre a
noite do día 2 e a mañá do 5 de xaneiro, os traballos necesarios para
enlazar e dar continuidade ao tramo Olmedo-Zamora (en servizo) co novo tramo
Zamora- Pedralba.
Finalizo dicindo, que estas impresións que traslado non son as dun técnico, e que espero que en poucas semanas finalicen aquelas obras pendentes para que poidan comezar as circulacións en probas.
Finalizo dicindo, que estas impresións que traslado non son as dun técnico, e que espero que en poucas semanas finalicen aquelas obras pendentes para que poidan comezar as circulacións en probas.
Si desexa facer algún comentario poder enviar un correo a celso.delgado@congreso.es
Recibirá resposta