E engadiu que conforme ao establecido no Art. 115 da Constitución Española, tanto a
proposta de disolución das Cortes, como a fixación da data de celebración
materializaranse mediante un Real Decreto-lei que será publicado no BOE en
tempo e forma.
Pouco tempo despois, chegaba a reacción do presidente do Partido
Popular, Pablo Casado, destacando que o PP conseguiu “tombar” ao Goberno de
Sánchez, que tirou a toalla, convocando eleccións xerais o próximo 28 de abril,
grazas a unha oposición firme, responsable e eficaz nas Cortes, que mobilizou á
cidadanía.
Durante a súa comparecencia ante os medios, o dirixente
nacional atribuíu a data do 28Á que o PP
“pillou a Sánchez negociando con Torra”
e a que os baróns socialistas -candidatos municipais e autonómicos- non querían
o 26 M coincidir con el, porque saben que é “un lastre” para as súas
expectativas electorais.
Casado recalcou que o PP está preparado para volver ao Goberno e
que sae a gañar e non a empatar cunha campaña en positivo e unha axenda baseada
na liberdade, a igualdade e a seguridade.
Tamén
fixo declaración o secretario xeral dos populares galegos, Miguel Tellado, asegurando
que “o PPdeG está preparado para afrontar unhas eleccións
xerais e empezar a traballar desde hoxe nelas”.
“Estamos convencidos de que imos
contribuír decisivamente a botar aos socialistas, aos populistas e aos
independentistas do Goberno, estamos moito mellor preparados que uns
socialistas que en oito meses só desprezaron a Galicia, estamos moito mellor
preparados ca unhas Mareas de Podemos que xa anunciaron que van concorrer
divididas ás xerais, e estamos moito mellor preparados ca un BNG que para optar
a ter algún deputado fóra de Galicia se ten que aliar con Batasuna e con
Esquerra”, remarcou. “Pablo Casado será o próximo presidente do Goberno”,
subliñou.
Tamén falou o presidente da Xunta
Alberto Núñez Feijóo, criticando a convocatoria electoral para o 28 de abril xa
que España "pode colapsar" e non merece estar "paralizada ata
despois do verán".
Sinalou que Sánchez priorizou "outra vez" os
intereses persoais e de partido aos dos españois, e lembrou que o 26 de maio,
un mes despois da data elixida para os comicios xerais, celebraranse eleccións
municipais, autonómicas en 13 rexións e europeas.
Deste xeito, apuntou, o lóxico fose, en
caso de convocar, facelo á vez.
En calquera caso,dixo que pesou máis
máis o interese dos dirixentes autonómicos e"que non queren compartir
cartel" con Pedro Sánchez que o interese xeral, unha cuestión que é un
problema do Partido Socialista, pero non dos españois.
