Unha estación que se sitúa na localidade de Otero de Sanabria, no termo municipal de Palacios de Sanabria, e cuxo acceso se realizará a través dun novo viario de conexión coa estrada nacional N-525, que á súa vez enlaza coa autovía das Rías Baixas (A-52).
Un contrato, por importe ascende a 4.009.940 euros (IVE incluído), que foi adxudicado por Adif alta Velocidade á UTE COPISA- EASA.
Visitara este mesmo lugar o 4 de xaneiro e é evidente que desde aquela data as obras avanzaron dunha maneira significativa como o acreditan as fotos que acompaño, que poden comprarase coas anteriores: http://www.celsodelgado.gal/2019/01/visitando-as-obras-la-lav-galicia.html
- O novo edificio de viaxeiros.
- A construción dun novo tramo de 160 m de lonxitude que conecte o viario de acceso ao PAET (Posto de Adiantamento e Estacionamento de Trens) coa urbanización da estación.
- A urbanización da estación: praza de acceso e áreas peonís.
- Aparcadoiro en superficie.
- Pasarela de conexión entre plataformas, escaleiras e rampla.
- Plataformas (soleira, pavimentos e pezas de bordo).
- Marquesiñas.
- Revegetación de noiros e restauración do ámbito de actuación.
Espero que en poucos meses finalicen as obras desta estación que dará servizo á comarca e que contribuirá ao éxito e a sustentabilidade operativa da liña para que un maior número de posibles pasaxeiros residentes ao longo dela poidan utilizala.
Recibirá resposta
Recibirá resposta