Segundo
estes datos en España o número de ocupados diminúe en 93.400 persoas no
primeiro trimestre de 2019 respecto ao trimestre anterior (un –0,48%) e sitúase
en 19.471.100. En termos
desestacionalizados a variación trimestral é do 0,76%.
O
emprego creceu en 596.900 persoas (un 3,16%) nos 12 últimos meses.
A
ocupación aumenta este trimestre en 2.600 persoas no sector público e descende
en 96.100 no privado. Nos 12 últimos meses o emprego incrementouse en 489.100
persoas no sector privado e en 107.900 no público.
Os
asalariados diminúen este trimestre en 95.800. Os que teñen contrato indefinido
increméntanse en 89.900, mentres que os de contrato temporal redúcense en
185.800. En variación anual, o número de asalariados crece en 565.500 (o
emprego indefinido aumenta en 455.100 persoas e o temporal en 110.400). O
número de traballadores por conta propia sobe en 1.600 este trimestre e en
30.400 nos 12 últimos meses.
A
ocupación aumenta este trimestre na Agricultura en 14.100 persoas e baixa nos
Servizos en 109.200. Na Industria e na Construción apenas varía. No último ano
o emprego sobe nos catro sectores. Nos Servizos hai 429.400 ocupados máis, na Construción
129.500, na Industria 32.100 e na Agricultura 5.900.
Os
maiores incrementos de emprego este trimestre danse en Andalucía (15.900 máis),
País Vasco (5.300) e Estremadura (5.100). Os maiores descensos obsérvanse
en Illes
Balears (–40.000), Castela e León (–26.200) e Canarias (–20.900). No
último ano case todas as comunidades incrementan a súa ocupación. Andalucía
(138.500 máis), Cataluña (87.700) e Comunidad de Madrid (83.100) presentan os
maiores aumentos.
O número
de parados sobe este trimestre en 49.900 persoas (1,51%) e sitúase en
3.354.200. En termos desestacionalizados
a variación trimestral é do –2,92%. Nos 12 últimos meses o paro diminuíu en
441.900 persoas (–11,64%).
A taxa
de paro sitúase no 14,70%, o que supón 25 centésimas máis que no trimestre
anterior. No último ano esta taxa descendeu en 2,05 puntos. • Por comunidades,
as maiores baixadas trimestrais do paro danse en Comunitat Valenciana (–6.800), Región de
Murcia e Comunidade Foral de Navarra (–6.300 cada unha). E os maiores
incrementos en Illes Balears (38.100 parados máis), Castela e León
(11.600) e Principado de Asturias (10.500). En termos anuais, as maiores
reducións do número de parados prodúcense en Andalucía (146.300 menos), Comunitat Valenciana (–75.700) e Comunidad de
Madrid (–54.300).
O número
de activos descende este trimestre en 43.500, ata 22.825.400. A taxa de
actividade baixa 25 centésimas e sitúase no 58,35%. No último ano a poboación
activa incrementouse en 155.100 persoas.
GALICIA
Con respecto ao mesmo trimestre de 2018, o número de persoas activas
diminúe en 2.400 persoas e a taxa de actividade diminúe 0,1 puntos.
A ocupación diminúe en 7.900 persoas no primeiro trimestre de 2019
respecto á cifra do trimestre anterior e sitúase en 1.080.200 persoas ocupadas.
A taxa de ocupación diminúe 0,3 puntos neste trimestre, ata o 46,3%.
Nos últimos doce meses o número de ocupados e de ocupadas aumentou en 30.100
persoas, o que supón unha suba do 2,9% en termos relativos.
Por sexo, neste trimestre reduciuse a ocupación masculina e aumentou a
feminina: o número de ocupados varóns diminuiu en 8.100 persoas respecto ao
cuarto trimestre do ano 2018 e a ocupación das mulleres aumentou en 200
persoas. En termos de taxas, isto tradúcese nunha baixada da taxa de ocupación
masculina de 0,7 puntos mentres a feminina manténse sen variacións.
Con respecto ao primeiro trimestre do ano 2018, o número de homes
ocupados aumenta en 12.000 persoas (un 2,2%), mentres que o de mulleres
ocupadas aumenta nun 3,6%.
Atendendo aos sectores de actividade económica (segundo a CNAE 2009), o
número de persoas ocupadas neste trimestre aumenta na industria e diminúe na
agricultura e pesca, na construción e nos servizos. Na industria a ocupación
aumenta en 1.900 persoas con respecto ao cuarto trimestre de 2018; pola contra,
o sector primario rexistra unha diminución de 4.300 persoas na cifra de
ocupación, a construción de 1.900 persoas e os servizos de 3.400 traballadores
e traballadoras menos.
Con respecto ao mesmo trimestre de 2018, a ocupación diminúe na
agricultura e pesca un 8,8% e na construción un 1,1%; pola contra, na industria
a ocupación aumenta un 1,1% e nos servizos un 4,7%.
En Galicia había 865.100 persoas asalariadas no primeiro trimestre de
2019, 641.500 con contrato indefinido e os 223.600 restantes con contrato
temporal. Con respecto ao trimestre anterior rexístranse 5.000 asalariados e
asalariadas menos con contrato indefinido, o que supón unha diminución de 0,8
puntos en termos relativos. O número de persoas suxeitas a un contrato temporal
diminúe en 3.200 efectivos (o que supón, en termos relativos, unha baixada do
1,4% con respecto ao cuarto trimestre de 2018). No que respecta á variación
interanual, as persoas con contrato indefinido incrementáronse un 5,2% e as
persoas con contrato temporal aumentaron un 0,9%.
A taxa de temporalidade, calculada como a porcentaxe de persoas con
contrato temporal sobre o total de asalariados e asalariadas, sitúase no 25,8%.
No primeiro trimestre de 2019 en Galicia había 153.900 persoas en paro,
5.000 máis que no trimestre anterior. A taxa de paro aumenta 0,5 puntos e
sitúase no 12,5%.
Con respecto ao primeiro trimestre do ano 2018, o número de parados e
paradas diminúe en 32.600 persoas (un -17,5%) e a taxa de paro 2,6 puntos.
Por sexo, con respecto ao trimestre anterior, aumenta tanto o paro
masculino como o feminino: o número total de homes parados sitúase en 77.500
persoas (4.800 máis que hai tres meses) e o de mulleres é de 76.500 persoas
(300 mulleres máis en paro). A taxa de paro masculina aumenta en 0,8 puntos
porcentuais e a feminina mantense sen variacións, situándose a primeira no
12,1% e a segunda no 12,8%.
No tocante á variación interanual, o número de parados entre o sexo
masculino descende en 13.600 persoas (un 14,9% menos), e o volume de paradas en
18.900 persoas (un 19,8% menos que hai un ano).
No primeiro trimestre de 2019, o número de fogares nos que todos os seus
membros activos están en paro aumenta en 800 unidades e sitúase en 55.000
fogares. Respecto ao primeiro trimestre de 2018, esta tipoloxía de fogares
redúcese un 20,2%.
Pola súa banda, o número de fogares nos que todos os seus membros activos
son ocupados diminúe en 2.900 unidades. O número de fogares nesta situación é
de 601.600. En relación co mesmo trimestre do ano anterior hai 21.800 fogares
máis nesta situación, o que supón unha suba do 3,8% en termos relativos.
Dos 317.600 mozos e mozas galegos de entre 16 e 29 anos, 114.600 (o
36,1%) están ocupados, 34.300 (o 10,8%) parados e os 168.700 (o 53,1%)
restantes son inactivos.
A taxa de ocupación deste colectivo sitúase no 36,1% no primeiro
trimestre de 2019. Con respecto ao trimestre anterior diminúe 2,4 puntos; con
respecto ao mesmo trimestre do ano 2018 diminúe 0,1 puntos.
A taxa de paro xuvenil sitúase no 23,1% neste trimestre; aumenta 1,6
puntos respecto ao trimestre anterior. En comparación co primeiro trimestre de
2018 diminuíu 2,7 puntos.
No primeiro trimestre de 2019, o 71,4% dos ocupados e das ocupadas de
entre 16 e 29 anos traballa a xornada completa. Con respecto ao cuarto
trimestre de 2018, esta cifra redúcese un 8,9%, mentres que o de mozos e mozas
ocupados a xornada parcial aumenta en 300 persoas. Con respecto ao primeiro
trimestre de 2018 aumenta a ocupación xuvenil que traballa a xornada parcial
(en 1.000 persoas) e diminúe a ocupación a xornada completa (en 2.000 persoas).
OURENSE
Os datos do INE acreditan que Ourense conta no primeiro trimestre de 2019
con 110.100 ocupados (1.300 menos que hai un ano) e 18.500 parados (8.900
menos que hai un ano).
Con relación ao trimestre anterior (IVT 2018) a ocupación desciende en 2.000 persoas e o paro medra en 3.300 persoas
A taxa de paro sitúase nun 14,87 %
0,60 puntos menos que hai un ano. e 1,75 máis que no IVT de 2.018.
A taxa de actividade sitúase no 47,89 %, 0,06 puntos máis que hai un ano.
Recibirá resposta
