Asisto
está mañá ao acto de apertura da 8ª edición da feira “Vinis Terrae”, en
Expourense que celebrarase
os días 1 e 2 de abril, sendo o único salón exclusivamente profesional e
destinado aos viños autóctonos.
Este Salón do Viño e Licores Galegos de Calidade conta
coa presenza de importadores e compradores de 14 países que terán a
oportunidade de coñecer as últimas anadas das máis de 50 adegas adscritas ás
cinco Denominacións de Orixe presentes, sendo 4 delas da provincia de
Ourense (Ribeiro, Monterrei, Ribeira
Sacra, Valdeorras), a estas únense Rías Baixas, o Consello Regulador de Licores
e Augardentes de Galicia e as IXP de
Viños de Galicia como Val do Miño ou Ribeiras do Morrazo.
Esta cita conta co apoio fundamental da Deputación
Provincial de Ourense e da Xunta de Galicia a través da Axencia de
Calidade Agroalimentaria ( AGACAL) adscrita á Consellería do Medio
Rural.
Neste acto Manuel
Baltar dixo que o sector “é estratéxico
dentro da economía ourensá, e ten no goberno provincial un aliado para
favorecer a súa competitividade e promoción, tendo en conta a gran relevancia
que a nosa provincia ten neste ámbito, ao contar con catro das cinco
denominacións de orixe existentes en Galicia".
Salientou a cooperación como palabra
clave, “tamén o é neste certame, que amosa ao mundo do viño as excelencias
deste produto na nosa terra, pois ao longo destes días os visitantes terán a
oportunidade de realizar intercambios comerciais e presenciar obradoiros
vencellados ao mundo do viño, para coñecer mellor os produtos vinícolas e tamén
o labor que se desenvolve desde a Estación de Viticultura e Enoloxía de
Galicia”.
Programa de actividades
O programa incluirá dous talleres prácticos sobre os
viños brancos galegos impartidos pola EVEGA
(Estación de Viticultura e Enoloxía de Galicia). Un versará sobre “
Descriptores positivos nos viños brancos. Novos procesos de recoñecementos de
atributos” e o outro sobre “Defectos dos viños brancos. Novos procesos de
detección e corrección”. A EVEGA
presentará tamén nesta cita o seu “Monográfico sobre Treixadura”.
No que respecta ás catas comentadas impartiranse catro
nas que se analizarán os viños (brancos, tintos e outros como os pertencentes
á IXP
Viños dá Terra, os de colleitas anteriores ou as elaboracións con
madeira e ecolóxicos) premiados cos “ Acios de
Ouro” e tamén os licores e augardentes premiadas co “ Pote de Ouro e
Prata” nas Catas oficiais de Galicia 2018.
Unha das novidades deste ano será o Workshop
WETWINE impartido pola AGACAL (
Axencia Galega de Calidade Alimentaria) que ten o obxectivo de
dar a coñecer tecnoloxías novas aplicadas á valorización sustentable de
residuos no sector vitivinícola. Está dirixido a adegueiros e a directivos,
responsables de Enxeñería, Produción, I+D+i, Deseño, Loxística e Sistemas de
empresas industriais relacionadas principalmente co sector vitivinícola e o
sector de tratamento de augas e residuos.
O programa de actividades concluirá cunha conferencia
na que se analizará o “márketing gastronómico efectivo” baseado na experiencia
do mercado norteamericano.
Esta edición de
VINIS TERRAE volverá contar cun Túnel do Viño, un escaparate que
ofrecerá a visitantes e a expositores un espazo no que se expoñerán 117
referencias de todas as denominacións de orixe de Galicia. O obxectivo é que os
profesionais poidan coñecer os distintos viños presentes e, desta forma, os
compradores terán a posibilidade de coñecer un maior número de referencias,
ademais das que xa coñecerán a través da súa axenda de citas.
O programa de actividades complétase coa celebración
da I Cata Extraordinaria Ourense Vinis
Terrae na que participarán os viños das adegas expositoras no salón. Esta cata
contará cun xurado profesional no que participarán representantes das asociacións
enólogos, catadoras e catadores de Galicia.
A participación nesta feira facilitará aos visitantes
profesionais convidados en calidade de “ hosted
buyers” o coñecemento das zonas produtivas, mediante as visitas
programadas aos territorios dos diferentes consellos reguladores.
Recibirá resposta
