Participo hoxe no faladoiro do programa "Voces de Galicia"
de Radio Voz que modera Antía Díaz Leal e na que interveu
tamén Breogán Riobóo.
Falamos en primeiro lugar da política de pactos tras a celebración o pasado
domingo das eleccións locais e autonómicas.
Lembrei a falta de vontade do resto de
partidos para deixar gobernar á lista máis votada, e que o PPdeG dixo antes dos
comicios, na campaña, e despois das votacións que debería existir un acordo que
permitira asumir ás alcaldías aos partidos que gañaran as eleccións.
Dixen que comparto con Feijoo que esta oferta
non caduca. E que non parece moi normal
que ao PP de G faltoulle un escano para
a maioría absoluta en 25 concellos, e só vai gobernar en cinco deles. E que
noutros quince faltáronlle dous edís e non van mandar en ningún.
Reflexionei sobre o dato de que os
socialistas van gobernar para un 55 % dos veciños, e con todo a poboación que suman
os concellos nos que foron a lista máis
votada só chega ao 38 %, incluíndo tres das catro cidades máis poboadas de
Galicia.
En definitiva cos resultados das eleccións do
pasado 26 de maio, ese acordo de deixar gobernar á lista máis votada permitiría
que o PPdeG gobernase a case a metade dos galegos. Sen embargo, o feito de
pasar o escrutinio polo tamiz dos pactos postelectorais ocasiona que esa cifra
se reduza ata o 21,4 por cento.
Insistín na necesidade de que se abra unha
reflexión a nivel nacional sobre o asunto.
A continuación a moderadora propúxonos falar das declaracións do exministro e
exalcalde londinense Boris Johnson que fixo unha referencia explícita a
Galicia. "Hai pobos remotos galegos que teñen acceso á velocidade da luz a
todas as glorias comerciais e culturais da web. Hai cidades enteiras británicas
onde a xente aínda ten que soportar con frustración como ollan fixamente unha
lenta roda de pizza do destino"
Dixen que certamente está ben informado, no sentido de que en Galicia avanzouse moito para articular un modelo de crecemento vinculado á economía
dixital destinado a
contribuír ao aumento dá calidade de vida e ao
desenvolvemento sostible nas
súas tres vertentes: económica,
social e ambiental.
Resaltei o traballo realizado pola Axencia para a
Modernización Tecnolóxica de Galicia (Amtega)
Citei alguna das actuacións para mellorar a conectividade do tecido e os
despregamentos para a extensión de redes en núcleos de menos de 300 habitantes.
En 2018 aprobouse o Plan Galicia 5G que permitirá a realización de 9 pilotos
con esta tecnoloxía na Comunidade, aos que se sumarán outros 9 grazas a unha
convocatoria estatal
Falei da mellora da
conectividade do tecido empresarial que é unha das liñas de actuación do Plan
de Banda Larga 2020, que está a desenvolver a Amtega. En catro anos as medidas do Plan posibilitaron
o acceso a redes de ata 600Mbps a máis de 1.750 empresas de 81 polígonos
industriais e outras máis de 80 situadas fora destas áreas.
Recibirá resposta