Vexo
onte pola tarde o estado das obras de construción do cambiador de
ancho de Taboadela que foron adxudicados en novembro de 2018 por un importe
de 5.131.669,87 euros (IVE incluído) á empresa Acciona Construción. Contrato
que inclúe a montaxe de vía no ramal de
conexión entre a LAV Madrid-Galicia e a liña convencional Zamora-Ourense,
así como os traballos de reordenación da praia de vías na estación de
Taboadela.
Una solución que permitirá a conexión da LAV Madrid-Galicia, ao final do tramo Ponte Ambía-Taboadela, coa liña convencional Zamora-Ourense, para favorecer a continuidade das circulacións ata esta cidade mentres se tramita e constrúe a denominada Variante Exterior.
Este cambiador
está nas inmediacións da estación de Taboadela (para o que se reutilizan
parte das instalacións do antigo cambiador de Medina del Campo), que
permitirá a circulación de trens de ancho variable pola LAV
Madrid-Galicia, de forma que a estación de Ourense poderá recibir trens de
calquera ancho e seguirá funcionando como nó ferroviario distribuidor cara a
todas as liñas de ferrocarril da Comunidade Autónoma de Galicia.
A
instalación que está en fase construción constará dun foso de 12,4 m x
17 m no que se coloca o cambiador, quedando todo o conxunto no
interior dunha nave metálica. A ambos os dous lados do foso dispóñense dous
tramos de vía embebida de 9,85 e 9,44 m, respectivamente, e 4 m de
anchura.
Complétase a instalación con dous fosos de observación situados nos
extremos do conxunto.
O cambiador incorpora unha zona para instalacións, situada nunha laxa armada con cinco módulos que albergan os distintos equipamentos.
Estas fotos reflicten o que vin onte. Agardemos que as obras rematen ben e nas datas fixadas,
Tamén puíden ver a situación das obras desde o cambiador ata á estación de Taboadela.
Recibirá resposta
