A conselleira de Infraestruturas e Mobilidade, Ethel
Vázquez, vén de remitirlle ao secretario de Estado de Infraestruturas, Pedro
Saura, unha proposta que contén dúas medidas concretas para paliar o impacto
das peaxes nas economías familiares e na competitividade de Galicia.
Por unha parte, esta alternativa céntrase na
revisión da aplicación do Real Decreto que fixa o aumento de tarifas do 1 %
acumulativo durante 20 anos para financiar a ampliación da autoestrada en
Santiago e na ponte de Rande.
Trátase de revisar o acordo pechado en 2011 coa
concesionaria, eliminando os pagos inxustificados, xa que, de cumprirse nos
seus termos, suporá que os galegos paguen a Audsasa mediante as peaxes un total
de 1.400 millóns de euros por unhas obras que custaron preto de 230
millóns. A Xunta propón que o custo das
obras se afronte a través dos Presupostos Xerais do Estado en lugar de con
subas de peaxe e sen incluír beneficios inxustificados para a concesionaria.
Así, proponse un pago anual á concesionaria de 53,1
millóns de euros durante 5 anos por parte dos Presupostos Xerais do Estado que,
sumado ás dúas subas de peaxe xa acometidas, permitiría evitar novos
incrementos extraordinarios.
Por outra parte, esta alternativa do Goberno galego
tamén plantexa a bonificación doutro 25 % a todos os usuarios que realicen
traxectos de ida e volta no día pola AP-9 e que sería complementaria á que xa
se vén aplicando.
Vázquez Mourelle cualificou estas medidas de
realistas e viables e concretou que son froito dun intenso traballo de estudo
que realizou a Xunta para avanzar cara un maior equilibrio territorial en
materia de peaxes no conxunto de España e paliar a desigualdade de Galicia.
Destacou na misiva a preocupación da Xunta por mor
da desigual evolución das peaxes nas autoestradas do Estado, xa que mentres a
AP-9 afrontará subidas de tarifas no 2020 e sucesivos anos, outras vías como as
de Sevilla- Cádiz ou Tarragona- Alicante, deixarán de ser de pago.
Explicou que estas subas nos prezos da principal
arteria de comunicación de Galicia están xerando un desequilibrio ao se
acentuar as desvantaxes da súa situación xeográfica periférica e reforzar a
asimetría territorial en termos de mobilidade e competitividade.
Subliñou que fronte a estes incrementos nas tarifas
da AP-9, a Xunta está a facer un importante esforzo para minimizar o impacto
das peaxes das autoestradas autonómicas nas familias e na economía galega. Para
isto, precisou que o próximo ano as tarifas non aumentarán e ademais se
seguirán aplicando bonificacións nas viaxes de volta como nas realizadas en
horario nocturno e se comezarán a efectuar descontos ás familias numerosas.
Ethel Vázquez tamén lle solicitou ao secretario de
Estado de Infraestruturas a convocatoria dunha nova xuntanza da comisión da
AP-9 para abordar conxuntamente a proposta de actuación hoxe remitida.
Cómpre lembrar que esta comisión foi constituída en
2017 pola Xunta e o Ministerio de Fomento e ten demostrado ser un foro de
colaboración institucional de utilidade.
Os antecedentes do
26 de febreiro de 2019
Nesa data da XII Lexislatura os deputados do PP de G no Congreso
presentamos unha batería de enmendas ao articulado da Proposición de Lei Orgánica de transferencia da titularidade e
competencias da AP-9 á Comunidade Autónoma de Galicia.
Nunha nota de prensa difundida ese día dicíamos “ Demandamos que o cambio de titularidade
sirva para paliar o desequilibrio territorial en materia de autoestradas de
peaxe que prexudica a Galicia, e acadar tamén unha mellor eficiencia e eficacia
da vía. “É necesaria a súa transferencia para rachar con esta discriminación”,
e que permita unha xestión máis directa e pegada ao territorio que suporá unha
mellora considerable da calidade do servizo e un aumento da súa
competitividade.
E así co fin de garantir o imprescindible equilibrio territorial e
igualdade de oportunidades de Galicia co resto de España, instan ao Estado a
que asuma, con cargo aos Orzamentos Xerais do Estado a supresión da aplicación
do incremento da tarifa do 1% acumulativo anual durante os próximos 20 anos.
Neste punto, recordábamos que estas subas das tarifas teñen a súa orixe nun
acordo aprobado polo Goberno socialista en 2011. “Queremos que se poña fin a
estes pagos inxustos e que se afronte o custo das obras acometidas, a través
dos Orzamentos Xerais do Estado en lugar de con subas inxustificadas de peaxe”,
indicamos. “É inaceptable –engadiu- que os galegos teñan que pagar máis de
1.400 millóns de euros por unha infraestrutura que custou menos de 230
millóns”.
 |
| Os deputados do PP de G o 26-2-2019 no Congreso |
Os populares propoñen, tamén, a bonificación da peaxe nun 25% para
itinerarios de ida e volta, aplicándose a ambos itinerarios para todos os tipos
de vehículos e calquera día da semana. Unha medida que afonda na diminución do
impacto das peaxes nas economías familiares, na competitividade e na seguridade
viaria.
Tamén nesas emendas esixiamos tamén o cumprimento de todas aquelas
actuacións xa comprometidas polo anterior Goberno de Mariano Rajoy. Así, recordabamos,
a liberalización da peaxe de Redondela, a ampliación de Alfonso Molina, a
conexión da AP-9 coa A-54 (Enlace Orbital) nas súas dúas fases, a reforma do
enlace de Pontevedra Norte, o Vial 18 de conexión entre AP-9 e AC-14, así como
as medidas derivadas do Plan de Acción contra o ruído aprobado polo Ministerio
de Fomento.
A estas actuacións sumábamos tamén: a ampliación da capacidade de aqueles
tramos da autoestrada no que o nivel de servizo que se rexistre o faga preciso,
como son os tramos entre A Coruña e Guísamo, Pontevedra Norte-Pontevedra Sur, a
ponte de Rande, Rande-Puxeiros e AP-9, incluíndo a remodelación do enlace de
Bos Aires."
Lamentablemente a disolución da XII
Lexislatura por decisión de Pedro Sánchez
o 5 de marzo de 2019 impediu que a tramitación desta Proposición de Lei
Orgánica - que fors admitida a trámite o 11 de decembro de 2019 - continuase.
http://www.celsodelgado.gal/2018/12/o-congreso-aproba-iniciar-transferencia.html
Si desexa facer algún comentario poder enviar un correo a celso.delgado@congreso.es
Recibirá resposta
