Por outra
banda, Agulla, explicou que os Sergas traballa ademais na redacción do
protocolo dos servizos hospitalarios implicados que permita retomar a atención
aos partos en Verín, coa seguridade e garantías imprescindibles para as nais e
os nenos, nos primeiros días do vindeiro mes de febreiro.
A xerente de
Verín suliñou estes avances cos que se amosa o compromiso do Sergas co Hospital
de Verín, así como a súa aposta por desenvolver as propostas e proxectos
necesarios para reforzar e mellorar a atención sanitaria que desde o Hospital
Público de Verín se ven prestando á poboación da comarca de Monterrei.
Carteira de servizos
A pesar das
dificultades derivadas da dificultade de cobertura de postos en determinadas
especialidades e que afecta a todo o Estado, a carteira de servizos do Hospital
Público de Verín conta unha carteira ampla e adaptada ás características
demográficas da poboación.
Cómpre
salientar a dispoñibilidade de atención en especialidades tan tecnolóxicamente
dependentes e complexas como Nefroloxía, Oncoloxía, Dixestivo, Cardioloxía,
Neuroloxía, etc, que completan a carteira de servizos básica do hospital
verinense (Medicina Interna, Traumatoloxía, Cirurxía Xeral e Dixestiva,
Radioloxía, Xinecoloxía ou Urxencias).
En concreto,
en Xinecoloxía préstase atención á muller xestante, diagnóstico
xinecoobstétrico, cirurxía xinecolóxica de baixa complexidade, hospitalización
xinecoobstétrica.
Como datos
desta realidade podemos indicar que para os 26.000 habitantes do distrito, a
actividade que se realiza no hospital verinés, supera os 2500 episodios de
hospitalización, as 2000 intervencións cirúrxicas, as 65.000 consultas e as
13.000 urxencias, con demoras globais que están entre as máis baixas, xa non só
de Galicia, senón no conxunto do Sistema Nacional de Saúde, e cun nivel de
satisfacción da cidadanía sobresaínte.
Cómpre
lembrar os resultados no balance de listas de espera de 2019 obtidos no
Hospital de Verín, cunha media de acceso a consultas de 30 días e de 31 á
intervencións, con demora cero en prioridade 1, aquelas que se corresponden
coas patoloxías mais graves.
Celebro esta estupenda noticia da reapertura do paridoiro de Verín, que
agardamos debvova a confianza e a tranquilidade aos usuarios da sanidade
ná comarca verinesa.
