Os traballadores de Alcoa en San Cibrao, e tamén de A Coruña e Asturias viñeron hoxe a maniféstarse en Madrid ante os ministerios de
Transición Ecolóxica e Industria e tamén ante do Congreso dos Deputados para
demandar que se aprobe canto antes o estatuto para as empresas
electrointensivas que permita abaratar o prezo da enerxía e garanta a
continuidade desta empresa fabricante de alúmina e de aluminio.
Na concentración ante o ministerio que dirixe a vicepresidenta Teresa Ribera, estiven con outros responsables políticos do PP de G, entre eles o secretario xeral do PPdeG, Miguel Tellado, quen esixiu ao Goberno de Pedro Sánchez que aprobe de forma inmediata o estatuto da industria electrointensiva “ou que vaia pensando en cesar á ministra de Transición Ecolóxica porque non fai o seu traballo”.
Nese senso, insistiu na necesidade de contar xa co
estatuto para evitar que cando se aprobe xa non queden empresas en Galicia que
se poidan acoller a el para garantir a súa continuidade e o emprego.
Como lembrou, esta é unha cuestión que na nosa Autonomía afecta
a 5.000 postos de traballo polo que, como primeiro partido da Comunidade, “o noso
compromiso é estar do lado dos traballadores defendendo os intereses de Galicia
e plantándolle cara a un Goberno que día a día castiga ao conxunto dos
galegos”.
Nas súas declaracións, o número dous do PPdeG amosouse
sorprendido de que na manifestación participasen deputados de Podemos, facéndolle
unha protesta ao seu propio Goberno unha semana despois da súa constitución: “É
unha tomadura de pelo aos galegos”.
Despois desta manifestación, voltei ao Congreso para
participar nunha reunión con dirixentes sindicais de Alcoa, USO, CCOO e UGT e responsables do Grupo Parlamentario
Popular, e logo saúdamos aos manifestantes na Carreira de San Jerónimo.