Nunha
entrada deste Blog de data 24 de decembro de 2019 daba conta de que que o
Consello de Administración de Renfe acababa de realizar unha proposta ao
Ministerio de Fomento para manter os prezos nos títulos multiviaxe
(de 10 ou máis viaxes), e actualizar a tarifa media ponderada do 1% para os
servizos de Obrigación de Servizo Público (OSP).
Así, en
Media Distancia, a tarifa xeral actualizaríase en 2020 un 1,1% (Eixo
Atlántico) e en Media Distancia Alta Velocidade, nun 1,2% (Avant). No conxunto
do servizo de proximidade a tarifa actualizaríase nun 1%, sen incrementos desde
2015. En todos os casos manteríanse os títulos multiviaxe.
Respecto
a os servizos comerciais aprobouse unha subida con carácter xeral do 1,1% sobre
as tarifas base (tarifa flexible) de Ave, Euromed e Longa Distancia.
Dicía
enton que esta decisión de política tarifaria de Renfe seguía incidindo na
discriminación xa que as viaxes entre A Coruña, Santiago e Ourense
subirán unha décima máis cas do corredor atlántico entre A Coruña e Vigo.
Deste xeito, viaxar da Coruña a Ourense custaría a partir do vindeiro 1 de xaneiro o billete sinxelo 25,60 euros, fronte aos 18,91 € do traxecto entre A Coruña e Vigo.
Diante
desta situación presentamos de xeito inmediato iniciativas no Congreso dos
Deputados para seguir insistindo na reclamamción dun trato non discriminatorio
aos usuarios do corredor Ourense-Santiago-A Coruña, e pediremos unha redución
do prezo entre un 30 % e un 40 %.
Con
data 8 de xaneiro de 2020 os deputados populares ourensans no Congreso
presentamos esta pregunta:
¿Ante o descontento xeneralizado dos usuarios que senten discriminados,
procederá RENFE a rebaixar polo menos un 30 %, o prezo dos billetes dos
servizos ferroviarios AVANT entre
Ourense e Santiago, que son sensiblemente superiores aos cobrados no Eixo
Atlántico Ferroviario?
Con
data 7 de febreiro de 2020 o Goberno responde desta maneira: “A oferta de
servizos de transporte ferroviario para a relación Ourense-Santiago confórmaa o
produto Avant, de alta Velocidade Media
Distancia e, para o Eixo Atlántico, os produtos Rexional e Media Distancia.
Estes servizos, competencia da
Administración Xeral do Estado enmárcanse nas denominadas Obrigacións de
Servizo Público e, ao ser produtos/servizos ferroviarios diferentes, dispoñen
dun sistema e unha estructurta tarifaria diferentes”
Como se pode ver, o
Goberno elude a moi concreta pregunta que se lle facía e con esta resposta dá a
entender que non ten vontade algunha de corrixir a situación discriminatoria
que vivimos en Galicia.
Seguiremos insistindo.
