O número medio de afiliados á
Seguridade Social alcanzou o pasado febreiro os 19.250.229, a maior cifra de
ocupados rexistrada na serie dos meses de febreiro.
No mes, o sistema incorporou 85.735
persoas afiliadas (0,45%), trátase do maior incremento neste mes desde 2015
(96.909).
Ademais, rexistrouse o maior número
de mulleres ocupadas da serie mensual de febreiro cun total de 8.978.764
traballadoras, cifra que supón un aumento de 40.546.
O balance dos últimos 12 meses
(febreiro/febreiro) é de 361.757 novos afiliados, cunha taxa interanual próxima
ao 2% (1,92%), que mellora a anotada en xaneiro (1,83%).
En canto á afiliación media mensual,
esta creceu en todos os réximes que integran o Sistema. Polo que se refire á
interanual, aumentou no Réxime Xeral e no de Autónomos -os dous réximes
principais do sistema- e retrocedeu en Mar e Carbón. En concreto, entre os
traballadores autónomos creceu en 6.777 afiliados medios.
Respecto a 2019
O dato interanual, como xa se
indicou, reflectiu un crecemento de 361.757 persoas, isto supón un aumento
próximo ao 2% (1,92) respecto de 2019. A cifra total de afiliación media
alcanzou un máximo na serie de febreiro ao situarse en 19.250.229 persoas
ocupadas. Desta cifra, 344.365 corresponden ao Réxime Xeral, que experimentou
un incremento do 2,21%; o 2,75% (396.176) sen contar os Sistemas Especiais do
Hogar(-13.506) nin o S.E. Agrario (38.305).
O Réxime Especial de Traballadores
Autónomos sumou 18.244 respecto a febreiro de 2019. O Réxime do Mar descendeu
en 511 ocupados (-0,82%). O Carbón rexistrou 341
afiliados menos (-21,43%).
O número de afiliados aumentou na
maioría das comunidades e cidades autónomas.
Destacaron os incrementos en Madrid (87.001), Cataluña (55.396),
Andalucía (55.256) e Comunidade Valenciana (48.826). A afiliación tan só
diminuíu en Estremadura (-312) e Melilla (-136).
Respecto a xaneiro
A afiliación ao Réxime Xeral
aumentou en febreiro en 78.010 (0,21%), o que situou o total de afiliados en
15.929.151, cifra que despraza o récord mensual -nun febreiro- alcanzado en
2019 (a integración dos réximes Agrario e do Hogar como sistemas especiais
produciuse en 2012).
É un mes de febreiro no que se
rexistrou crecemento na maioría dos sectores, destacou Hostalería, con 26.184
afiliados máis (2,15%); Construción, que sumou 26.035 persoas (3,05%);
Educación, 21.026 (2,14%); e Industrias Manufactureiras con 10.001 ocupados
máis (0,54%).
Dentro do Réxime Xeral, cabe sinalar
que o Sistema Especial Agrario experimentou un descenso de 15.809 afiliados
medios con relación a xaneiro (-2,07%), o que sitúa o número de ocupados en
746.739. O Sistema Especial do Empregados do Hogar, pola súa banda,
practicamente mantense, xa que suma 155 afiliados (0,04%), polo que agora
alcanza os 394.151 afiliados medios.
O Réxime de Autónomos conta con
3.257.896 afiliados medios, tras crecer en 6.777 persoas (0,21%). Entre o
Réxime do Mar a ocupación aumentou en 956 (1,57%), ata os 61.932 afiliados
medios. Finalmente, o Carbón sitúase en
1.250 afiliados medios (-7).
Por
territorios, a afiliación crece en todas as comunidades e cidades autónomas,
destacando Cataluña (21.153), Illas Baleares (12.655), Comunidad de Madrid
(10.616) e Región de Murcia (7.260).
Galicia:
O
número medio de afiliados á Seguridade Social situouse o pasado febreiro
en 1.012.354 ocupados, cifra que supuxo un aumento de 5.848 persoas
afiliadas máis respecto ao mes anterior (0,58 %), a
maior suba intermensual nun mes de febreiro desde o ano 2007.
A
afiliación ao Réxime Xeral terminou febreiro con 783.546 afiliados medios, o
Réxime de Autónomos con 208.095 afiliados medios, e o Réxime do Mar finalizou
con 20.713 afiliados medios
En
términos anuais, a afiliación no total do Sistema rexistrou nesta Comunidade un
incremento de 15.043 ocupados (1,51 %).
Ourense:
En
términos anuais, a afiliación no total do Sistema rexistrou nesta provincia un
incremento de 1.086 ocupados (1,07 %).
A
afiliación ao Réxime Xeral rematou febreiro con 78.761 afiliados medios e o
Réxime de Autónomos con 23.457 afiliados medios
