“Hoxe non hai outra prioridade que as persoas e as
medidas sociais e económicas para facer fronte ás consecuencias desta
pandemia”, dixo hoxe o presidente provincial do Partido Popular, Manuel Baltar,
durante a reunión que por videoconferencia mantivo cos representantes ourensáns
no Congreso, Ana Vázquez e Celso Delgado, e no Senado, Miguel Ángel Viso,
Carmen Leyte, Francisco José Fernández e Jesús Vázquez. Un encontro de traballo
que, segundo destacou Manuel Baltar, “ten se cabe máis importancia que nunca
pois a actividade política debe dar resposta inmediata ás necesidades dos
cidadáns nun momento inédito nas nosas vidas”.
Máis alo da aportación de material de protección para
as persoas que todos os días poñen a súa vida perigo pola saúde de todos, o
presidente do PP de Ourense destacou o traballo desenvolvido desde o minuto uno
desta crise sanitaria pola Deputación de Ourense e a Xunta de Galicia nos
ámbitos sociais e económico, cuestións ás que se referiron os deputados e
senadores subliñando a positiva valoración que tiveron por parte dos
compañeiros do grupo popular en ambas as dúas cámaras.
Manuel Baltar compartió cos asistentes á reunión as
medidas postas en marcha desde a Deputación de Ourense como as axudas sociais
para colectivos vulnerables, o reforzo da teleasistencia, da axuda no fogar, a
constitución do Comité do Día Despois, a posta a disposición dos concellos dos
funcionarios provinciais e dos recursos da Deputación para labores de
desinfección, a gratuidade do aparcadoiro da institución provincial no CHUO
para persoal sanitario e de servizos o centro de apoio para transportistas e
persoal das forzas e corpos de seguridade no Estado no Pazo dos Deportes.
Ademais de informar sobre o contido da reunión mantida
a través da FEMP co presidente de Goberno central, o presidente dos populares
ourensáns tamén adiantou as medidas que presentará no pleno extraordinario da
Deputación do día 29 e “onde veremos como por primeira vez a institución
provincial vai aprobar axudas directas a empresarios e autónomos, cunha clara
filosofía de burocracia cero, administración electrónica e execución inmediata,
deixando para tempos mellores os investimentos en obras”, advertindo ademais da
complexidade dunhas medidas “que imos ter que encaixar no importante recorte
que se espera nos recursos financeiros das deputacións”.
Pola súa banda, os deputados e senadores non só
puxeron en valor o traballo da Deputación de Ourense e da Xunta de Galicia,
senón que destacaron o enorme esforzo que están a realizar os concellos,
acompañando á veciñanza. Para os representantes populares en Madrid, tamén é
importante transmitir que a actividade lexislativa non se detén, citando así
cuestións como a supresión da cota de autónomos e a obrigatoriedade de
presentar impostos durante o estado de alarma, a extensión da prestación
extraordinaria a todos os autónomos que reduciran a súa actividade ata un 40 %
no último mes, no lugar do 75 % como fixa o real decret-lei, a axilización do
pagamento dos ERTES ou a baixada do IVE ata o 4 % para material de protección
como máscaras, luvas e hidroxeles.
Esta foi a primeira das reunións que o presidente
provincial do PP manterá cos representantes ourensáns en institucións, estando
previsto para esta mesma semana un encontro cos parlamentarios da provincia que
participan na Deputación Permanente do Parlamento de Galicia.
