Unhas medidas que impactan na Semana Santa 2020, cancelándose misas, actos liturxicos e procesións coma a deste domingo.
Lembro agora a do pasado ano 2019 cuando tiven oportunidade de acompañar a un gran xentío de ourensáns que se achegaron ata o Parque de San Lázaro para celebrar o Domingo de Ramos. Despois de que o bispo de Ourense, Don Leonardo Lemos Montanet, bendixera os ramos e as palmas, léronse varias oracións e despois dunhas palabras partiu a procesión co paso da “Borriquiña” polas rúas ata a Catedral.
Hoxe as circunstancias obrígannos a seguir as misas, como dixo hoxe o bispo de Ourense, desde as “igrexas domésticas que son os fogares” e grazas á televisión, a radio ou internet.
Asi puiden ver por internet a misa desde a Catedral de Ourense e por televisión a misa do Papa Francisco, desde unha Basílica de San Pedro en Roma baleira de fieis, pero coa presenza do milagroso crucifixo de San Marcello, que escapou do lume de 1519 e que foi levado pola xente en procesión para deter a praga da peste.
Da homilia do Santo Pai destaco estas palabras:
“Hoxe, no drama da pandemia, ante tantas certezas que se desmoronan, fronte a tantas expectativas traizoadas, co sentimento de abandono que nos oprime o corazón, Xesús dinos a cada un: ‘Ánimo, abre o corazón ao meu amor. Sentirás o consolo de Deus, que che sostén’’
Acompaño esta foto dun ramo de loureiro bendicido esta mañá nunha parroquia de Laza.
