Exportacións
En xuño de 2020, en Galicia, as exportacións aumentaron un 19,00 % respecto ao mesmo mes de 2019 e no total deste ano 2020 a taxa de variación é dun -17,7 %
Os produtos con maior influencia positiva nas exportacións de xuño foron os “Vehículos automóbiles; tractores”, que, cun peso do 36,0% sobre o total das exportacións galegas e unha taxa interanual do 70,8%, repercuten en 17,8 puntos; seguidos, a máis distancia, polas “Prendas de vestir, non de punto”, con 3,1 puntos; e as “Prendas de vestir, de punto”, con 2,4 puntos.
Pola contra, os produtos con maior repercusión negativa foron os “Aparellos e material eléctrico”, con -1,8 puntos; os “Barcos e embarcacións”, con -1,6 puntos; e a “Pasta de madeira; papel reciclado”, con -1,1 puntos.
Neste primeiro semestre do ano, as vendas ao exterior de “Prendas de vestir, non de punto” (-5,9 puntos), “Aparellos e material eléctrico” (-2,4 puntos) e “Prendas de vestir, de punto” (-2,3 puntos) son as que inflúen máis negativamente no comportamento das exportacións. Polo tanto, o grupo das “Materias téxtiles e as súas manufacturas”, que representa o 19,4% das exportacións neste ano 2020, resta en total 9,1 puntos. A influencia máis positiva corresponde ás exportacións de “Conservas de carne ou pescados”
Importacións
Os produtos que máis negativamente influíron nas importacións en xuño foron os “Combustibles, aceites minerais”, que representan o 4,4% do peso total e restan 10,2 puntos á taxa; destacan tamén os “Vehículos automóbiles; tractores”, con -4,0 puntos. Pola contra, as maiores repercusións positivas atopámolas nos “Residuos da industria alimentaria” e nos “Artigos téxtiles-fogar”, que repercuten en 2,9 puntos entre os dous.
No que vai de ano, os “Vehículos automóbiles; tractores” (-9,8 puntos) e os “Combustibles, aceites minerais “ (-7,5 puntos) representan as maiores repercusións negativas á taxa de variación total e os “Artigos téxtiles-fogar” e as “Prendas de vestir, de punto” a maior achega positiva, con 0,5 puntos cada un.
