E escribía expresamente que "nesta ocasión felicito a ADIF-ALTA VELOCIDADE na persoa da súa presidenta Isabel Pardo de Vera, por cumprir co compromiso contraido de licitar estes dous tramos, cuxa duración unha vez culmine o proceso de adxudicación e fomalización do contrato, sera de 34 e 30 meses respectivamente."
Hoxe reprodúceo un medio de comunicación: El ADIF impulsa el último tramo del AVE a Galicia, que tardará tres años en ejecutar (lavozdegalicia.es)
Tamén onte o PSdeG-PSOE de Ourense emitía unha nota de prensa que titulaba "O goberno socilaista impulsa a licitación dá variante exterior de Ourense". Paréceme normal e saudable que uno dos partidos do Goberno resalte a importancia destas licitacións e atribúase méritos.
Pero o que non son de recibo as monumentais mentiras que se inclúen na nota. Só teñen explicacion ante o absoluto descoñecemento da realidade ou unha mala fe desbordante e sectaria. Así din:
PRIMEIRA MENTIRA: "O impulso desta licitación so foi posible grazas a uun gberno socialista, logo que o proxecto estivese paralizado, desprezado, postegrado e vilipendiado polo executivo de Rajoy, unha Xunta silente e compracente ante aquela marxinación"
SEGUNDA MENTIRA: "Os consrvadores meteron este tramo nun caixón do Ministerio de Fomento en 2012, e alí quedou agochado, porque non moveron nin un so papel ni puxeron un so euro para as obras, cando os trámites administrativos xa os deixou encarrilados o goberno de Zapatero"
TERCEIRA MENTIRA: "Non debemos esquecer que recibiu a impresentable cifra de 0 euros nos orzamentos xerais do esstado de 2018, os últimos do PP, fonte aos centos de millóns incluidos nas actuais contas do goberno de Sáchez"
Para rebater estas mentiras presento este histórico da variante desde abril de 2014, que se pode contrastar vendo as publicacións das entradas deste blog e as ligazóns a Boletíns Oficiais e notas de prensa que referencio:
Anuncio 13146 del BOE núm. 88 de 2014
-No tramo Taboadela-Seixalbo, optimizarase o trazado para pasar sobre o río Mesón de Calvos.
- No tramo Seixalbo-Ourense, se implantará exclusivamente unha plataforma de vía dobre, cunha via de ancho UIC e outra de ancho mixto.
Ademais na Resolución dise que a
redacción e aprobación dos proxectos constructivos e a execución das obras
corresponderá a ADIF-Alta Velocidade.
Tamén se destaca polo Ministerio que
xa se iniciou a tramitación ambiental da optimización do trazado do tramo
Taboadela-Seixalbo, co envío ao Ministerio de Agricultura, Alimentación e Medio
ambiente do correspondente Documento ambiental, para a avaliación de impacto
ambiental simplificada conforme ao establecido na Lei 21/2013 de avaliación ambiental.
Esta Resolución confirma o expresado
o 19 de abril de 2013 por Ana Pastor: a variante entre Taboadela e Ourense, é a
solución máis adecuada para a chegada da alta velocidade e que a súa
tramitación avanza decididamente.
27.4.2015: O Boletín Oficial do Estado publica o Anuncio do ADIF-Alta Velocidade polo que se somete a información pública, para os efectos de expropiacións, o Proxecto de Construción de Plataforma de Integración Urbana e Acondicionamento da Rede Ferroviaria de Ourense. Tramo: Túnel de Montealegre-Estación de Ourense.
Anuncio
13221 del BOE núm. 100 de 2015
28.4.2015: O Boletín Oficial de Estado publica o Anuncio
do ADIF-Alta Velocidade polo que se somete a
información pública, para os efectos de expropiacións, o Proxecto de
Construción de Plataforma de Integración Urbana e Acondicionamento da Rede
Ferroviaria de Ourense. Tramo: Seixalbo-Túnel
de Montealegre.
Nesa reunión que presidiu a ministra Ana Pastor coa presenza do secretario de Estado de Infraestruturas, Transporte e Vivenda Julio Gómez-Pomar, o secretario xeral de Infraestruturas, Manuel Niño, o alcalde de Ourense, Jesús Vázquez, a conselleira de Medio Ambiente, Territorio e Infraestruturas da Xunta de Galicia, Ethel Vázquez, e o presidente da Deputación de Ourense Manuel Baltar.
18.2.2016: Xuntanza de traballo deste Grupo no Ministerio de Fomento. Nesa reunión foron abordadas cuestión de gran importancia como a situación da dos proxectos da variante exterior da LAV entre Madrid e Galicia entre Taboadela e Seixalbo e entre Seixalbo – Túnel de Montealegre e a estación de Ourense. Tamén foron abordadas cuestión relativas á integración ferroviaria na cidade para dotala da máxima permeabilidade.
12.12.2016: Nun programa de
televisión española, o ministro de Fomento, Íñigo de la Serna, foi
entrevistado sobre cuestións do seu departamento. Falou da necesidade de
que Fomento sexa cada día máis eficiente co diñeiro público. E neste contexto
fixo unha reflexión sobre a proxectada variante exterior de alta velocidade de
Ourense: “se por catro minutos de viaxe merece a pena destinar 600 millóns de
euros ou se é mellor empregar ese investimento noutro fin” engadindo que o
“debate centrouse máis en canto diñeiro hai que investir e menos en termos de
tempos de viaxe”
13.12.2016: o deputado Celso
Delgado declara no diario La Región “a variante exterior é necesaria como
todos os quilómetros da conexión, e que é ademais sustentable económicamente e
funcionalmente, e que se defende con argumentos". Lembrou ademais
que o proxecto xorde do consenso alcanzado en 2013 entre todas as
administracións e que nos últimos realizáronse diferentes avances para a súa
licitación. E engadíu que "entendería unha solución temporal mentres
non se finaliza, pero outra cousa é que se converta en definitiva".
O
Ministerio quere aclarar deste xeito as dúbidas que se suscitaron no marco da reflexión
de carácter xeral para buscar solucións que permitan anticipar a chegada da
alta velocidade ás principais capitais españolas. En todo caso, a variante
exterior de Ourense está contemplada dentro dos proxectos que este Ministerio
ten previsto executar”
28 de xuño de 2017: O BOE publica
a Resolución do 13 de xuño de 2017, da Secretaría de Estado de Medio Ambiente,
pola que se formula declaración de impacto ambiental do proxecto
Integración urbana e acondicionamento da rede ferroviaria de Ourense, tramo
Taboadela-Seixalbo.
Disposición
7461 del BOE núm. 153 de 2017
3 de abril de 2018: o
Goberno de Mariano Rajoy presentou no Congreso dos Deputados o Proxecto de
Lei de Orzamentos Xerais do Estado para 2018. E neles ADIF-AV contemplou o
proxecto da Variante de Ourense.
6 de abril de 2018: o Consello de Ministros presidido por Rajoy, autorizou as operacións previas necesarias para que o tramo de ancho convencional (1.668 mm) Taboadela-Ourense transfórmese nun tramo da rede de alta velocidade de ancho internacional (1.435 mm).
Na nota que difundía ADIF-AV dicíase entre outras coas que "realizará unha adecuación integral da liña no tramo Taboadela-Ourense, para permitir que a alta velocidade chegue canto antes á capital ourensá e acúrtense os tempos de viaxe ata a Meseta." E engadía "As actuacións no tramo Taboadela-Ourense permitirán a continuidade da conexión ferroviaria de alta velocidade entre a cidade de Ourense e a Meseta mentres se tramita e constrúe a variante exterior de Ourense, polo que son complementarias ao proxecto de variante".
7 de maio de 2018: en Ourense, con ocasión da presentación do selo conmemorativo do centenario da Ponte Nova, o ministro de Fomento, Iñigo de la Serna dixo sobre a variante de Ourense: “que seguimos traballando nos proxectos e que mañá se publicará a aprobación da parte correspondente a Taboadela- Seixalbo, que era o primeiro dos tramos ou o que máis avanzado estaba.”
E estas palabras cumpríronse debido a que ao día seguinte, 8 de maio de 2018 o BOE publicou o anuncio da Subdirección Xeral de Planificación Ferroviaria da Secretaría Xeral de Infraestruturas pola que se aprobaba o expediente de Información Pública e Audiencia e definitivamente do "Proxecto Básico de integración urbana e acondicionamento da Rede Ferroviaria de Ourense. Tramo: Taboadela- Seixalbo".
Anuncio
26008 del BOE núm. 111 de 2018
Nel propoñíase como solución a desenvolver nos proxectos construtivos a "Alternativa Modificada" coas modificacións definidas no propio Expediente por mor das alegacións recibidas. Unha solución proposta así mesmo na Declaración de Impacto Ambiental. E dicíase ademais que a redacción e aprobación dos proxectos construtivos e a execución das obras corresponderá ao administrador da infraestrutura ferroviaria, de acordo co establecido no artigo 6 da Lei 38/2015, do 29 de setembro, do sector ferroviario.
E engadíase que “Nos proxectos construtivos que desenvolvan a solución aprobada teranse en conta as prescricións incluídas na mencionada Declaración de Impacto Ambiental, formulada por Resolución do 13 de xuño de 2017 da Secretaría de Estado de Medio Ambiente e publicada en BOE do 28 de xuño de 2017.”
Nunha nota de prensa do Ministerio de Fomento do citado día 8 de maio dicíase que "En marzo de 2014, aprobouse o “Estudo Informativo do Proxecto de Integración Urbana e Acondicionamento da Rede Ferroviaria de Ourense”. Durante a redacción dos proxectos que desenvolven o mencionado estudo no tramo Taboadela- Seixalbo, viuse a necesidade de expor un novo trazado alternativo, fundamentalmente por mor das dificultades geotécnicas na zona de Santa Leocadia, así como porque a propia Resolución de aprobación do estudo informativo prevía a necesidade de optimizar o trazado para pasar sobre o río Mesón de Calvos.
O proxecto desenvolve un trazado alternativo (Alternativa Modificada)á solución aprobada inicialmente e inclúe un estudo comparativo de ambas as alternativas e unha análise multicriterio que xustifica a idoneidade da solución proposta.
O trazado comeza en superficie, bordeando o núcleo rural de Espiñeiro
polo norte e avanzando entre as edificacións da periferia das poboacións de
Santa Leocadia e de Mesón de Calvos. Unha vez atravesada esta zona con maior
poboación, cruza en túnel toda a elevación de Rante, continúa mediante un
viaduto sobre a estrada N-525 e o río Barbaña, e discorre posteriormente
sobre o túnel existente de Aspera, que será reforzado.
A continuación, o trazado aproxímase á vía existente e á zona urbana, cruza
sobre o ferrocarril Zamora-Ourense e atravesa, de novo en túnel, o cerro
de Curuxeirán, para volver separarse finalmente da vía existente.
O proxecto básico someteuse a información pública e audiencia en abril do ano
2015 e o pasado 13 de xuño de 2017 obtivo a correspondente Declaración de
Impacto Ambiental ( DIA), de acordo ao establecido na Lei 21/2013, do 9 de
decembro, de avaliación ambiental. Antes da súa aprobación, foi preciso
completar outros trámites preceptivos desde a aprobación da nova Lei 38/2015,
do 29 de setembro, do Sector Ferroviario."
1 de xuño de 2018: saíu adiante a moción de censura ao Goberno de Mariano Rajoy presentada polos deputados do Grupo Parlamentario Socialista e Pedro Sánchez obtivo a confianza da Cámara. E o 7 de xuño comeza o mandato do novo ministro de Fomento, José Luis Ábalos, que nomea para a presidencia de ADIF-AV á Isabel Pardo de Vera, que era con anterioridade a Directora Xeral de Operacións deste ente.
“Optouse por aproveitar o trazado
actual e modernizalo con 104 millóns, pero hai unha variante que se fará, que
espera pola adecuación dos proxectos á normativa porque nós pensamos en termos
ferroviarios que quedarnos con 14 qm. de vía única na entrada de Ourense
pode, nalgún momento, condicionar a fiabilidade da liña. Adif ten que ter
flexibilidade para que non haxa incidencias"
Tras adecuar os proxectos á nova normativa, levantarán a suspensión do tramo Taboadela Xeixalbo, que será o primeiro en licitarse.”
E dicir viña a confirmar todos os anuncios realizados na etapa de goberno do PP, na que ela foi Directora de ADIF.AV.
10 de xaneiro de 2019: o deputado Celso Delgado fixo desde o Congreso unha pregunta ao Goberno sobre "cando seríán licitadas as obras do tramo Taboadela-Seixalbo tras a aprobación definitiva en 2018 do proxecto básico de integración urbana e acondicionamento da rede ferroviaria de Ourense".
O 4 de mazo de 2019, recibía esta resposta:" O proxecto constructivo do tramo indicado está actualmente en fase de supervisión; unha vez concluida a mesma poderase continuar coa sua tramitación e posterior licitación"
O 7 de marzo de 2019 o Diario Oficial da Unión Europea publicaba tres anuncios periódicos indicativos, que tiñan por obxecto reducir prazos de recepción de ofertas.
Ditos anuncios prevían estimativamente a licitación o 1 de xullo de 2019 dos tramos de plataforma Taboadela-Túnel de Rante, por un valor de 88 millóns de euros, o Túnel de Rante-Conexión Seixalbo, por valor de 21 millóns de euros, e o da Conexión Seixalbo-Seixalbo, por importe de 9 millóns de euros, todos eles co IVE excluído.
Pois ben, nada do anunciado foi cumprido por ADIF-AV; non se publicou licitación das obras dos tramos antes mencionados e tampouco deuse polo administrador ferroviario ningunha explicación sobre as razóns desta demora nin oficialmente nin por vía parlamentaria.
O 4 de xaneiro de 2020, o Goberno rexistrou no Congreso unha resposta a unha pregunta que fixemos sobre este incum,primento e dixo: “En relación con los asuntos interesados, se señala que en el anuncio del pasado 7 de marzo de 2019 se indicaba como tentativa de licitación del contrato de obras del contrato “Variante de Ourense. Túnel de Rante-Conexión Seixalbo y Conexión Seixalbo-Seixalbo Plataforma, a finales de 2019. En todo caso, se indica que las publicaciones de anuncio de licitación en el Diario Oficial de la Unión Europea (DOUE) son informativas, no vinculantes.”
Unhas respostas claramente decepcionantes que evidenciban que ADIF-AV, non traballou con dilixencia e acreditaban no ter vontade real de licitar a variante exterior de alta velocidade ferroviaria entre Taboadela e Ourense,de 16,9 qm.
Finalmente o Diario Oficial da Unión Europea dedicado á contratación pública europea publicaba o 2 de abril de 2021 dous anuncios indicativos relacionados coa Variante de Ourense.
- Execución de obras do proxecto de construción de plataforma de integración urbana e acondicionamento da rede ferroviaria de Ourense. Tramo: Taboadela- Seixalbo. Taboadela-Túnel de Rante.
Valor total estimado IVE/IVE excluído: 80.422.119,45 EUR
Duración do contrato en meses: 34
Data estimada de publicación do anuncio de licitación: 30/06/2021
- Execución de obras do proxecto de construción de plataforma de integración urbana e acondicionamento da rede ferroviaria de Ourense. Tramo: Taboadela- Seixalbo. Subtramo: Túnel de Rante-Conexión.
Valor total estimado IVE/IVE excluído: 24.652.046,04 EUR
Duración do contrato en meses: 30
Data estimada de publicación do anuncio de licitación: 30/06/2021.
E o Diario Oficial da Unión Europea publicaba o 9 de abril de 2021 outro anuncio indicativo vinculado aos anteriores.
- Execución de obras. Variante de Ourense. Tramo conexión Seixalbo- Seixalbo
Valor total estimado IVE/IVE excluído: 12.338.090,91 EUR
Data estimada de publicación do anuncio de licitación: 31/12/2021.
Con todo ningún preanuncio fíxose en relación co tramo que iría desde Seixalbo polo túnel de Montealegre ata a estación de Ourense.
Finalmente ADIF-AV retrasou en dezanove días o compromiso contraido de licitar os dous primeiros tramos, o que considero unha demora sen importancia.
Remató dicindo que sobre o acontecido desde 2006 ata agora en relación co devenir da variante exterior pode consultarse a entrada que publiquei neste blog o 23 de marzo de 2012.
http://www.celsodelgado.gal/2012/03/el-pasado-16-de-diciembre-de-2011.html
CONCLUSIÓN:
De todo o relatado despréndese con nitidez que as afirmacións da nota de prensa do PSdeG –PSOE de Ourense son falsas.
