A nota difundida di: "Marisol Díaz alertou da baixada do nivel destes encoros, de competencia estatal, presas de abastecemento e de aproveitamento hidroeléctrico que, no pasado ano por estas datas presentaban un nivel de ocupación superior ao 71%, estando a media da última década nun 67,21%, e na actualidade están por debaixo da metade da súa capacidade e incluso con casos que se sitúan no 15% e ao 13%, como acontece no caso dos encoros de Cenza e de Portas. Tamén destacou o descenso no volumen de ocupación do embalse de Salas durante a primeira quincena de agosto que pasou de estar ao 40% a situarse ao 27% desta semana.
EMBALSES DA XUNTA AO 66%
“Uns niveis de ocupación inxustificables e moi preocupantes nun ano hidrolóxico normal no que esta
situación non é imputable á falta de chuvia na nosa Comunidade e que xera unha
grave preocupación e alerta social en previsión do que poida acontecer nos
próximos meses, xeralmente climatolóxicamente secos” sinalou Marisol Díaz e
indicou que esta situación “contrasta coa que presentan os da Demarcación
Hidrográfica de Galicia-Costa, de responsabilidade da Xunta, que se atopan en
torno ao 66%”.
Esa diferenza estriba, indicou a deputada popular, en que a Xunta de Galicia
conta con mecanismos de control e de vixilancia nos encoros da súa competencia,
nos que se establece un nivel mínimo de explotación, que se fixa na tramitación
das normas de explotación das distintas presas, así como nas Comisións de
Desaugamento de Encoros.
“Mecanismos de control estritos que teñen como obxectivo garantir que o
aproveitamento hidroeléctrico sexa compatible co abastecemento e coa
preservación da fauna que habita nesas masas de auga e co mantemento dunha
reserva mínima que garanta os caudais ecolóxicos mínimos establecidos, e nos
embalses que dependen da Xunta se establece un nivel mínimo do 20” , indicou
Marisol díaz.
“Por eso sorprendenos o que está a suceder nos encoros das concas estatais dos ríos Miño e Sil que vai a prexudicar moito ao país polo desabatecemento de auga a poboación, a preservación dos valores ambientais e de biodiversidade que pode provocar e mesmo na loita contra os incendios” indicou a deputada popular.
SEGUIMENTO DA FLORA E
FAUNA DOS ENCOROS
Na iniciativa parlamentaria popular se solicita que a Xunta, a través dos seus
axentes mediambientais, continúe co seguimento que vén realizando nas últimas
semanas sobre a flora e a fauna dos encoros pertencentes á Demarcación Hidrográfica
Miño-Sil, co obxectivo de verificar que se respecta en todo momento o caudal
ecolóxico e evitar afeccións á biodiversidade que habita nas masas de auga.
Así
mesmo se solicita que a Xunta se dirixa
ao Ministerio para a Transición Ecolóxica e á Confederación Hidrográfica do
Miño-Sil para que revisen as normas de explotación vixentes nesas presas e que
se concrete un nivel mínimo de ocupación acorde ao contexto de cambio climático
e para evitar riscos ambientais e no abastecemento e que se establezan
mecanismos de control e vixilancia necesarios para evitar este tipo de
situacións e garantir que o aproveitamento enerxético dos encoros da conca
Miño-Sil sexan compatibles co abastecemento, coa biodiversidade dos ríos, a
pesca, o regadío ou as actividades turísticas.
Tamén inclúe a iniciativa a petición de se
se informe á Xunta e aos concellos afectados de todas as medidas que se adopten
para paliar ese baleirado desmesurado nos encoros de competencia estatal.
“Esperemos que se den as explicacións
oportunas por parte do Goberno central e que se cumpran as normas de
explotación dos embalses e que atendan non só a intereses económicos senón a
intereses tan importantes como criterios ambientais e sociais e entendemos non
é casualidade que baleirado teña coincidido coa maior crise da historia de
España no prezo da luz, por iso unimonos
a grave preocupación xeral polo
baleirado actual e polo que poida deparar nos próximos meses dependendo
de como veña a situación climatolóxica” finalizou indicando a voceira de Medio
Ambiente."
