O convenio ten como obxecto a execución de dous
proxectos de mellora de permeabilidade da cidade en contornas polas que pasa a
vía do tren, concretamente na rúa de Ramón Puga, onde existe un paso inferior
para peóns e vehículos baixo a liña Zamora-A Coruña, e na localidade de
Tarascón, onde un viaducto serve de paso superior para salvar a liña
Monforte-Vigo. Para mellorar as condicións de uso executaranse obras de
ampliación dos dous pasos existentes.
As obras son financiadas ao 50% polas dúas
entidades tanto no relativo ás expropiacións de terreos como á execución das
obras. Será en total un investimento de 1.178.550 euros, dos que Concello e
ADIF achegarán 589.265 cada un. O ente ferroviario asumirá a licitación,
adxudicación e execución das obras. Unha vez rematadas, entregarálle os viais
ao Concello, que se encargará da súa conservación e mantemento, mentres que a
infraestrutura ferroviaria seguirá sendo xestionada por ADIF. De acordo as
previsións das dúas administracións, as previsión son adxudicar e iniciar a
execución das obras no próximo ano 2022.
O goberno municipal expresa a súa satisfacción
pola sinatura deste convenio, xa que estas obras “son moi necesarias e dan
resposta a unha demanda que a veciñanza viña facendo desde hai anos. Agora o
máis importante é que coa sinatura deste convenio xa temos un acordo firme e
xuridicamente vinculante e consolidado para facer estas obras, que esperamos
ver en marcha no próximo ano 2022”. Neste senso, o convenio ten a súa orixe nun
protocolo asinado polo Concello e ADIF en 2016 polo que a entidade ferroviaria
se comprometía a elaborar os proxectos. Estes se remataron a finais de 2018.
Desde aquela data traballábase para avanzar na sinatura do convenio, cuxo
articulado aprobouse finalmente no pleno do Concello do día 5 de novembro, e
que se asinou electrónicamente o día 24.
ANTECEDENTES
O 22 de xuño de 2016 o alcalde de Ourense, Jesús Vázquez e
a ministra de Fomento, Ana Pastor, asinaron un Protocolo de Colaboración entre o Concello de Ourense e o administrador de
Infraestruturas Ferroviarias para o desenvolvemento da permeabilidade da
Cidade.
No Expoñen terceiro do Protocolo constábase que actualmente na cidade de Ourense concorren:
“A liña ferroviaria Zamora- A Coruña que atravesa a cidade, localizándose un paso inferior na rúa Ramón Puga, antiga estrada de Rairo, pk. 244/881 de gálibo e anchura reducida e non está dotado de beirarrúas.
E a liña ferroviaria Monforte-Ourense-Vigo que atravesa a cidade, localizándose un paso superior á mesma no p. k. 48/241 na Rúa Tarascón, no que non se poden cruzar dous vehículos, e non está dotado de beirarrúas.
Tendo en conta esta problemática, ambas as partes, Concello de Ourense e ADIF acordaron que:
O ADIF comprometíase a redactar os proxectos de construción unha vez que recibise do Ministerio de Fomento a achega finalista necesaria para o seu financiamento.
E o Concello de Ourense entregaría a ADIF os estudos previos dos que dispoña cuxo obxecto sexa a definición das obras para executar para cumprir os obxectivos de ampliar o paso inferior da Rúa Ramón Puga para permitir o paso de vehículos lixeiros, dotándoo de beirarrúas. E para ampliar o paso superior de Tarascón, dotándoo de beirarrúa.
O proxecto de Tarascon foi sometido por ADIF a información pública o 6 de xuño de 2018 , e o 11 de xuño de 2018 o proxecto de ampliación do paso inferior da rúa Ramón Puga.
Delo daba conta neste blog:
http://www.celsodelgado.gal/2018/06/sobre-el-proyecto-de-ampliacion-del.html
http://www.celsodelgado.gal/2018/06/publica-hoxe-no-boe-o-anuncio-do.html
http://www.celsodelgado.gal/2019/10/onte-recibimos-unha-moi-boa-noticia.html
Dicían que o seguinte trámite era levalo a Pleno do Concello para a súa aprobación e así estar en condicións de asinar o Convenio co Administrador de Infraestruturas Ferroviarias (ADIF)
Lamentablemente a situación anómala que vive o Concello de Ourense, levou a que este trámite tivese un enorme retraso.
En todo caso celebro que finalmente, o Convenio fora asinado e agora estaremos pendentes de que ADIF licite as obras no vindeiro ano.
Neste sentido sinalar que no trámite no Congreso dos Deputados dos PGE para
2022, presentamos desde o GPP unha emenda por importe de
589.000 € para que ADIF financiara as obras dos pasos e foi rexeitada pola maioría
gubernamental.
Esta era la justificación de la enmienda
“Hay que hacer constar que en la línea ferroviaria Zamora- A Coruña que
atraviesa la ciudad de Ourense, hay un paso inferior en la rúa Ramón Puga, pk.
244/881 de gálibo y anchura reducida y que no está dotado de aceras. Y en la
línea ferroviaria Monforte-Ourense-Vigo que atraviesa Ourense hay un paso
superior a la misma p. k. 48/241 en la Rúa Tarascón, en el que no se pueden
cruzar dos vehículos, y que no está dotado de aceras.
Teniendo en cuenta esta problemática, Concello de Ourense e ADIF
acordaron que ADIF redactaría los proyectos, lo que quedó cumplimentado en
2018, correspondiendo ahora proceder a la ejecución de las obras, para la que
ambas partes han mantenido conversaciones al respecto, causando por ello
sorpresa la nula consignación presupuestaria de ADIF.”
En los PGE de 2018 este proyecto (4047) estaba dotado con 589,00 miles
de euros, pero en el actual presupuesto no recibe consignación alguna."
