Durante a Xunta Directiva do PP da provincia de Lugo, na que estivo acompañado pola presidenta provincial, Elena Candia, amosouse orgulloso de que a súa formación volvese demostrar que está á altura das circunstancias, algo que non lle sorprende porque no ADN do Partido Popular de Galicia vai a súa cohesión, a súa forza, a súa responsabilidade e o seu compromiso.
Pola contra, admitiu que a situación dos populares si poida resultar inédita para outras organizacións que converten a política nun continuo reality show, que viven instaladas na batalla interna e que están permanentemente elixindo líderes para ver se acertan con algún.
CONTINUIDADE NON É CONTINUÍSMO
Tras poñer en valor o patrimonio de unidade, estabilidade e xestión do PPdeG, Rueda recoñeceu que o baleiro que deixa o presidente Alberto Núñez Feijóo só pode compararse co seu inmenso legado, deixando unha Galicia moito mellor do que a encontrou.
Nese senso, apuntou que quere asumir a herdanza dos populares na Comunidade, pero aclarou unha diferenza: “Si á continuidade e non ao continuísmo”. Deste modo, explicou que non pensa que todo está conseguido, non se deixará levar pola inercia, nin tampouco parará de facer as cousas á súa maneira, senón que recollerá toda a experiencia e sumará todas as ideas eenerxías para facer unha Galicia aínda máis forte.
NO PPdeG TODOS CONTAN
“Non hai un PP de Albor, un PP de Fraga, un PP de Feijóo, nin vai haber un PP de Rueda. Hai un Partido Popular de Galicia”, recalcou o candidato mentres insistía en que “este é o partido que máis se parece a Galicia e por iso aquícabemos todos, contamos todos e sumamos todos”.
Igualmente, precisou que a súa formación aínda pode ser máis grande, facer máis historia e acadar algo inédito no país como a quinta maioría absoluta. Ao mesmo tempo, incidiu na importancia de non poñerse teitos para lograr unha Comunidade máis puxante na economía, con máis servizos públicos, máis conciliación e máis infraestruturas, e que aínda sexa máis referente en España pola súa estabilidade política e recoñecida por afastar políticas fracasadas e modelos que só enfrontan e dividen.
O CAMIÑO A SEGUIR
Na a súa intervención, Rueda púxese á disposición dos seus compañeiros de formación para agrandar o partido cun proxecto unido e forte, motivado por chegar á meta dun camiño que quere facer en equipo e cun ritmo esixente para chegar cada vez máis lonxe, pois ese é seu estilo.
Ademais, asegurou que os populares teñen claro cal é o camiño que mellor lles parece aos galegos, baseado en ser un partido amplo que goberna para a maioría, que fai a política real que mellora a vida da xente e centrado nas preocupacións dos cidadáns.
Do mesmo xeito, afirmou saber cal é a senda a seguir, aquela que os levou ao éxito, a que ten permitido derrotar á suma do nacionalismo, do socialismo e mesmo do populismo e pola que avanzan para deixar unha Comunidade conmellores servizos públicos e menos impostos; remarcando tamén cal é o destino e a prioridade dos populares: Galicia
