En concreto:
Solicitabamos a comparecencia
en Comisión da MINISTRA DE TRANSPORTES, MOVILIDADE E AXENDA URBANA e da
SECRETARIA DE ESTADO DE TRANSPORTES, MOVILIDADE E AXENDA URBANA para “Informar
sobre as causas do colapso do viaduto de “O Castro” na autovía do Noroeste A-6
e as medidas que se adoptarán para a súa reparación, así como as previsións de
restablecemento desta vía de comunicación esencial para Galicia e Castela
León.”
E dúas preguntas escritas
con esta exposición de motivos:
“O pasado
martes 7 de xuño de 2022 por causas neste momento descoñecidas, produciuse un
derrube dun tramo do viaduto de O Castro da autovía do Noroeste A-6, que
conecta o municipio de Vega de Valcarce co lucense de Pedrafita do
Cebreiro.
Afortunadamente
este colapso non causou danos persoais, porque a estrada estaba pechada ao
tráfico desde facía un ano, xa que estaban en curso obras de rehabilitación do
viaduto en sentido A Coruña.
Pero xa
desde a madrugada do mércores, ambos os sentidos da A-6 foron cortados entre os
puntos quilométricos 432 e 422, pechando tamén o viaduto que soporta os carrís
que van en dirección Madrid para comprobar que non hai danos estruturais.
En
consecuencia a comunicación entre Galicia e Castela e León deberá facerse
temporalmente pola estrada N-VI, tanto cara á Coruña como cara a Madrid,
durante nove quilómetros no paso por Pedrafita.
A interrupción
da circulación pola autovía constitúe un enorme problema para os máis de
dez mil vehículos que diariamente se moven por esta importante arteria. Afecta
de modo moi relevante aos tráficos portuarios e aos das industrias e
empresas de distribución. De modo aínda máis importante aos transportes
especiais.
Existe
enorme preocupación no MITMA, nas Comunidades Autónomas de Galicia e
Castela-León, nos municipios afectados e na sociedade en xeral por coñecer as
causas do colapso e as actuacións que se realizarán para a reparación, para o
restablecemento do tráfico e tamén para garantir a seguridade do resto dos
viadutos desta autovía.
Por todo
o anterior e cun ánimo construtivo preguntamos,
¿Que,
actuacións realizou e realizará o MITMA en orde a investigar as causas do
derrube dun tramo do viaduto de O Castro da autovía do Noroeste A-6”
Nobo
derrubamento
Se o sucedido o te dexuño foi grave e preocupante, o que pasou onte cun novo derrubamento doutros 45 metros de plataforma similar á derrumbada hai dez días é extremadamente alarmante.
O pasado martes o delegado do Goberno en Galicia
anunciaba a apertura do viaduto paralelo ao colapsado, sen que saibamos aínda
por que colapsou.
E dous días despois, o xoves, cae outro vano do
viaduto e tampouco sabemos por que, pero xa nos din que o paralelo seguramente
non se abra. E non se explican as razóns técnicas destas decisións e dos
cambios de criterio.
Estamos a asistir a unha xestión caótica dun problema de extrema seriedade nun dos principais accesos a Galicia.
Qué esta a pasar na A-6? Por que non se
proporciona información rigorosa á cidadanía sobre as investigacións e as
previsións?
E preguntámonos tamén se para o Goberno de España
e á ministra de Transportes este asunto non ten a entidade suficiente como para
poñerse á fronte e dar respotas e explicacións plausibles aos galegos.
Vai sendo hora de o Goberno de España e a ministra
de Transportes dean a cara, se despracen a Galicia e ofrezan algunha
explicacións sobre o que está a pasar coa A-6.
Desde o Congreso dos Deputados imos seguir pendentes deste tema e plantexaremos novas iniciativas parlamentarias.
