Os parlamentarios, que presentaron estas dúas cuestións ao Executivo central e das que desexan obter resposta por escrito, cualifican este novo mapa concesional como “nefasto e inaceptable”. Como indican, “maltrata” a nosa Comunidade e deixa a máis de 136.000 cidadáns sen parada, elimina 76 servizos interiores, obriga a moitos galegos a facer transbordos e afecta a máis de mil tráficos de longo percorrido.
Galicia xa trasladou ao Ministerio que a proposta presentada polo Goberno é “un auténtico despropósito” que profunda no abandono do rural e que, baixo a escusa de que só prestan servizos de carácter interautonómico, suprime tráficos dentro da propia Autonomía que si se prestan na actualidade.
Este recorte drástico afectaría en Galicia a 23 municipios: Allariz, Ribadavia, A Rúa, Riós, Trasmiras e A Mezquita en Ourense; A Pontenova, As Nogais, Baralla, Chantada, Meira, Monterroso, Guitiriz, O Corgo, Pedrafita, Palas de Rei e Quiroga en Lugo; Forcarei, Lalín, Tui, Silleda e O Porriño en Pontevedra; e Melide e Arzúa na Coruña.Cómpre sinalar que ao agravio que provoca a Galicia este mapa concesional hai que sumar tamén o anteproxecto de Lei de mobilidade sustentable que impulsa o Goberno de Pedro Sánchez, un texto que utiliza criterios exclusivamente económicos á hora de establecer as obrigas de servizo público da media distancia ferroviaria e que prima a planificación urbana e metropolitana, e a rendibilidade económica da mobilidade. De novo, unha decisión que condena ao rural a unha perda radical de servizos e de conexión en transporte público.”
