 |
| 21-12-2021 |
Lémbroo con moito agarimo pola gran ilusión que me fixo o ser un dos viaxeiros dese tren.
Así o relataba hai doce meses neste blog:
“Esta mañá cheguei á estación de Ourense, que está apenas a 10 minutos andando da miña casa, ás 5:55. No vestíbulo da estación aínda en penumbra había algúns pasaxeiros do que era o primeiro tren que facía o servizo comercial AVE con Madrid.
Moitos xornalistas, e gráficos con cámaras esperaban tamén a apertura do embarque nesta histórica viaxe.
Comezou o control de equipaxes e accedemos a plataforma onde nos esperaba o tren S-112, saudei a persoal de Renfe que me informaron que viaxariamos 160 persoas. Tamén puiden sacar co móbil unhas fotografías de recordo.
Saímos con puntualidade, ás 6.30 horas e poucos minutos despois xa estabamos en Taboadela e desde aí, pola nova plataforma o tren comezou a aumentar sensiblemente a velocidade, superando o 200 Km. por hora e incrementándoa a medida que o tren avanzaba por unha sucesión continua de túneles e viadutos.
Xa preto de Zamora chegamos á mítica velocidade de 300 km/hora, e despois de deternos na capital castelá, renovamos a marcha e chegamos ás 8:43 a Chamartín, é dicir con dous minutos de antelación, polo que felicitei ao maquinista.
En definitiva foi unha viaxe magnífica.”
http://www.celsodelgado.gal/2021/12/blog-post.html
Nestes doce meses convertinme nun usuario recorrente desta liña utilizando os trens AVE e Alvia para ir e volver de Madrid para traballar no Congreso.
Sen ningunha dúbida o balance deste ano é extraordinariamente positivo polos crecementos exponenciais de usuarios que viaxaron nestes trens. Quedan moito por mellorar pero deseo tocará falar no tras entradas deste blog.
