Trátase dunha Proposición no de Ley firmada polos deputados Cuca Gamarra, Joaquín María García Díez, Jaime Eduardo de Olano Vela, María del Carmen González Guinda, Celso Luis Delgado Arce e Mario Garcés Sanagustín, e dirixida á Comisión de Transportes, Movilidad y Agenda Urbana,
Pedimos tamén “facer públicos os prazos de execución e finalización dos traballos para restablecer a circulación de ambos sentidos desta infraestrutura estratéxica e esencial” e “presentar un plan integral, co seu cronograma e presuposto, das actuacións necesarias na rede de carreteras do Estado na provincia de Lugo para este ano 2023”.
“O derrubamento do viaduto do Castro na A-6, algo sen precedentes na nosa historia recente, está xerando preocupación pola situación xeral e pola falta de prazos concretos e xustificados para a súa reconstrución”, manifestan os populares. Ademais, teñen en conta que “recentemente se producía un accidente cun camión no desvío alternativo ao tramo cortado da A-6, deseñado e executado polo Goberno, que volveu evidenciar as carencias e perigosidade do desvío”.
Os deputados do PPde G na cámara baixa, atribúen “á falta de investimentos en mantemento e conservación dos quilómetros de estradas nacionais e autovías o deterioro que están a sufrir nos últimos anos” e que “está tendo graves consecuencias como son a caída do viaduto do Castro na A-6 ou o derrubamento parcial da N-642 na Mariña”.
Os populares explican que “son só dous exemplos aos que se lles poden sumar o lamentable estado da N-120 entre Monforte e Ponferrada e o estado insoportable para os miles de usuarios que se trasladan pola N-540 entre Lugo e Ourense; que cada día utilizan más cidadáns para coller o tren cara á meseta porque non circula durante meses entre Lugo e Monforte e entre esta cidade e Ourense”.
Igualmente, “as infraestruturas de nova construción, coma a A-54 entre Lugo e Santiago, seguen acumulando atrasos de largos períodos de inactividade durante os últimos anos”. Pero, “se o Goberno de Sánchez é incapaz de concretar un compromiso de finalización para esta vía, a A-56 que une con Ourense ten aínda 90 km sen proxectos nin presupostos”, lembran.
Estes son “só algúns exemplos que evidencian o esquecemento deste Goberno con Lugo onde as novas infraestruturas non acaban de completarse e as xa existentes están a deteriorarse por falta de investimentos en conservación”, sinalan os deputados galegos do Partido Popular.
https://www.congreso.es/public_oficiales/L14/CONG/BOCG/D/BOCG-14-D-604.PDF#page=15
