Convocado vía sms polo Sergas participei hoxe na campaña de vacinación fronte á gripe e a COVID-19 no recinto de Expourense.
Voluntariamente aceptei formar parte do ensaio clínico GALFLU que pretende valorar é se a vacina de alta dose é máis efectiva que a vacina de dose estándar en reducir os casos de gripe, hospitalizacións e complicacións asociadas nas persoas de 65 a 79 anos nas cales de maneira rutineira administraríase a vacina fronte á gripe de dose estándar.
Cada persoa ten un 50% de posibilidades de recibir a vacina de dose estándar (Influvac Tetra®) ou a vacina de alta dose (Efluelda®). Un programa informático, de forma aleatoria, é dicir ao azar, asignará a cada persoa a administración dunha vacina ou da outra.
Ánimo a todos a participar nesta campaña de vacinación e agradezo moito ao persoal do Sergas a eficaz e rápida atención recibida.
