Hoxe 29 de novembro S.M. o Rey, o noso Xefe do Estado, ante o Congreso dos Deputados e o Senado, declarou aberta a XVª Lexislatura.
Boa parte dos socios esenciais da investidura de Pedro Sánchez desprezaron este acto solemne e non asistiron.
E a maiores BNG, Bildu e ERC difundiron hoxe este Comunicado conxunto que titulan “Non temos Rei. Democracia, liberdade, Repúblicas”
Este é o seu contido: “As forzas políticas independentistas, soberanistas e republicanas asinantes desta declaración, queremos manifestar:
A Monarquía é unha institución anacrónica, incompatíbel con
principios democráticos esenciais en tanto que hereditaria e vitalicia. No caso
do Estado español, aliás, ese carácter antidemocrático vese acentuado polo
feito de ter sido imposta polo ditador Franco e ser, nesa medida, unha herdanza
do franquismo.
A Monarquía Española é un estamento que non responde aos valores
republicanos de liberdade, igualdade e democracia que tanto os cidadáns e
cidadás dos nosos pobos como as maiorías sociais do Estado anhelan. Unha
verdadeira democracia só será posíbel a partir da ruptura coa herdanza, as
bases e valores que representa o Rei e a súa figura. Por iso, consideramos que
o Rei e a Monarquía, que non son elixidos democraticamente, deben deixar de
exercer a súa tutela sobre a cidadanía e sobre os gobernos e parlamentos que si
o son. Só así se poderá avanzar en liberdade e en democracia.
Por tanto, a Monarquía española e o rei de España, non nos
representan. As sociedades catalá, vasca e galega rexeitan maioritariamente a
figura dunha institución monárquica que se vincula, ademais, ao obxectivo de
manter e impor a unidade de España e as súas leis, negando así os dereitos
civís, políticos e nacionais que asisten as nosas cidadanías e os nosos pobos.
No camiño democrático para a liberdade dos nosos pobos, que non só
é unha aspiración lexítima senón inadiábel, o Rei español non é un interlocutor
válido para nós. Nin ten a lexitimidade dos nosos pobos, nin lle recoñecemos
ningunha función política. Menos aínda cando o seu papel para coas nosas
nacións non foi outro que o de tentar impor proxectos e valores
antidemocráticos.
En consecuencia, reafirmamos a
nosa vontade de continuar traballando para facer efectivo, máis cedo do que
tarde, o ideal de democracia, liberdade e repúblicas.”
En democracia a liberdade de expresión e unha premisa fundamental, pero o que non é admisible é que unha minoría se arrogue a representación da maioría da sociedade, cando esta non lles outorgou nas urnas tal mandato.
É o caso dunha das forzas políticas asinantes, o BNG, que afirma que “a sociedade galega rexeita maioritariamente a figura dunha institución monárquica que se vincula, ademais, ao obxectivo de manter e impor a unidade de España e as súas leis, negando así vos dereitos civís, políticos e nacionais que asisten as nosas cidadanías e vos nosos pobos”
Falta o BNG absolutamente á
verdade, pois a inmensa maioría dos galegos apoian a Constitución Española que
consagra no seu artigo 1 que “A forma política do Estado español é a Monarquía
parlamentaria ”e no seu artigo 2 que “a
Constitución se fundamenta na indisoluble unidade da Nación española, patria
común e indivisible de todos os españois, e recoñece e garante o dereito á
autonomía das nacionalidades e rexións que a integran e a solidariedade entre
todas elas”
No referendo celebrado o 6 de decembro de 1978, o 89 % dos electores galegos votaron a favor da CE, en contra o 5,8 %, o 4 % fixérono en branco e houbo o 1,1% de votos nulos.
E na última votación celebrada en España, que foi a das eleccións xerais de 2023, o 43,54 % votou ao PP, o 29,84 % ao PSOE, a Sumar o 10,94 % e ao BNG o 9,48 %.
Se fose certo que a
sociedade galega é contraria á monarquía, como di o BNG, ¿como se explica que
menos do 10 % dos votantes respalddaran o seu programa republicano, indepndendentista, etc..)
Esiximos respecto á
verdade e aos cidadáns de Galicia.
