Tiven antes a oprtunidade de saudar ao seu director Pablo Sánchez Ferro que xestiona con gran eficacia eprofesionalidade este Arquivo, que recentemente conmemorou o seu 80 aniversario, acreditando que é unha das institucións culturais máis relevantes de Galicia, ademais de ser un dos arquivos provincias máis salientables do Estado, cunha riqueza que abrangue fondos que se remontan ata o ano 974.
O seu primeiro director foi o gran historiador e aqruiveiro Xesús Ferro Couselo, e logo foi sucedido pola insigne arquiveira Olga Gallego, e despois por Elisa Fernández-Pousa Suárez.
A
exposición, de produción propia, fai un percorrido pola historia da cidade de
Ourense a través de documentos orixinais conservados no Arquivo Histórico
Provincial, así como fotografías en paneis e dispositivos electrónicos
procedentes doutros centros culturais e de particulares. Entre as institucións
colaboradoras atópanse o Arquivo da Catedral de Ourense, a Biblioteca da
Deputación de Ourense, a Fundación Cidade da Cultura, Galiciana-Biblioteca
Dixital de Galicia, a Coral de Ruada, o Museo Arqueolóxico Provincial de
Ourense e o Museo Etnolóxico de Ribadavia.
A mostra estruturase en oito seccións nas que se
abordan os aspectos máis importantes da vida urbana ao longo do tempo, como son
o goberno, a sociedade, a economía, o urbanismo, as festas, os espectáculos, a
relixión e as manifestacións culturais. Un total de 63 documentos orixinais que
levan ao espectador a coñecer a historia desta cidade galega.
Entre os elementos máis singulares desta serie de
documentos, atópanse a confirmación por parte de Henrique III dun privilexio de
Xoán I no que se concede o portádego da ponte de Ourense a Pedro Ruíz Sarmiento
(ano 1441), a confirmación por parte de Pedro I dun privilexio de Fernando IV
no que exime de impostos aos taberneiros da cidade que compren o viño de
Ourense (1353) ou os planos da Porta da Aira en 1616, o da Ponte Vella en 1738
e o do proxecto para o xardín do Posío no ano 1854.
Parabéns por esta magnífica exposición que permite
coñecer mellor a historia e a configuración da nosa querida cidade desde a
Idade Media.
