.jpg)
E o Partido Popular de Galicia mediante un manifesto, que comparto, traslada o seu apoio e respaldo a todos os profesionais de atención primaria do noso país.
E dí que "O seu labor é determinante como elemento vertebrador do Sistema Nacional de Saúde.
Nos últimos anos, ata seis ministros e ministras asumiron a carteira de Sanidad sen responder ás demandas que chegan por parte dos profesionais sanitarios e da cidadanía, a pesar de que desde o propio Executivo se ten recoñecido que en 2027 faltarán máis de 9.000 médicos especialistas.
Desde o Goberno tampouco se puxeron en marcha instrumentos como o Rexistro Estatal de Profesionais Sanitarios, para planificar e tomar decisións sobre necesidades de formación e previr déficits actuais e no futuro.
Desde o Partido Popular de Galicia queremos contribuír a dar resposta ás necesidades da atención primaria en España e formulamos as seguintes propostas:
· Ampliar de maneira urxente o número de prazas de formación médica especializada en Medicina de Familia e Comunitaria, reformando o sistema de acreditación de unidades docentes para que sexa máis flexible e áxil.
Os reiterados fracasos que o Goberno de España ten colleitado á hora de adxudicar as prazas de formación sanitaria especializada, deixando prazas vacantes nas últimas ofertas, requiren tamén medidas útiles na organización deste proceso.
· Consideramos necesario realizar unha ampliación extraordinaria na convocatoria de prazas MIR na especialidade de Medicina de Familia, estimando unha convocatoria urxente de 1.000 prazas formativas anuais en toda España.
· Así mesmo, consideramos que hai que establecer un proceso aberto e permanente que estude anualmente as necesidades de especialistas en medicina de familia, pediatría e enfermería familiar."
