En xullo medran as afiliacións ao Sistema da Seguridade Social en 8.500 persoas

O Ministerio de Inclusión, Seguridade Social e Migracións publicou o 2 de agosto os datos de afiliación á Seguridade Social de xullo de 2024. A afiliación media á Seguridade Social aumentou en 491.221 traballadores respecto a xullo de 2023 (un 2,35%), que en termos desestacionalizados supoñen un aumento de 485.580 persoas (un 2,35%). A afiliación media queda así en 21.383.106 persoas (21.168.490 con axuste estacional).

En Galicia no mes de xullo acadouse a cifra de 1.093.374 para o total do sistema, o que supón un incremento respecto ao pasado mes de xuño de 2024 de 8.503 afiliacións (0,78%). 

Na comparativa interanual (xullo de 2024 con xullo de 2023) obsérvase un aumento de 15.245 afiliacións no total do sistema en Galicia (1,41%) e un aumento do 2,35% (491.221 afiliacións) no conxunto estatal.

Por comunidades autónomas e con respecto ao mes de xuño de 2024, rexístrase unincremento das afiliacións en nove comunidades autónomas, destacando Cantabria (2,13%) eIlles Balears (1,98%); mentres que en oito comunidades autónomas rexístrase un descenso das afiliacións, sendo o Pais Vasco (-0,70%) a que sufre o maior descenso. En canto ás taxas con respecto ao mesmo mes do ano anterior, rexístranse taxas positivas en todas as comunidades autónomas. Os aumentos máis acusados prodúcense en Madrid, Canarias, Illes Balears e Comunitat Valenciana con taxas interanuais superiores ao 2,50%.