En termos desestacionalizados os afiliados subiron en 67.772 (0,32%) e a afiliación media alcanzou os 21.288.671.
Por comunidades autónomas e
con respecto ao mes de setembro de 2024, rexístrase un incremento
das afiliacións en doce comunidades autónomas, sendo Comunitat Valenciana
e Canarias (ambas cun 1,61%) as que experimentan o maior
incremento; mentres que en cinco comunidades autónomas
rexístrase un descenso das afiliacións, sendo Illes Balears (-5,41%) a que
sufre o maior descenso.
En canto ás taxas con respecto ao mesmo mes do ano anterior, rexístranse taxas positivas en todas as comunidades autónomas. Os aumentos máis acusados prodúcense en Canarias, Illes Balears e Madrid, con taxas interanuais superiores ao 3,00%.
Galicia
En Galicia o número medio
de afiliacións ao Sistema da Seguridade Social en Galicia no mes de
outubro do ano 2024 acadou a cifra de 1.083.376 para o total do
sistema, o que supón un descenso respecto ao pasado mes de
setembro de 2024 de 2.470 afiliacións (-0,23%).
Na comparativa interanual
(outubro de 2024 con outubro de 2023) obsérvase un aumento de 15.523
afiliacións no total do sistema en Galicia (1,45%) e un aumento do 2,47%
(514.856 afiliacións) no conxunto estatal.
O número medio de
afiliacións á Seguridade Social subiu con respecto ao mesmo mes do ano pasado
en todas as provincias galegas. A Coruña é a provincia que presenta a maior
subida nas afiliacións cunha taxa de variación interanual do
2,15%, seguida de Pontevedra (1,02%), Lugo (0,78%) e Ourense
(0,76%).
No que respecta ás
afiliacións medias deste mes de outubro con respecto ás do mes de setembro,
rexistrouse en Galicia un descenso do 0,23%. Pontevedra (-0,75%), Ourense (-0,47%)
e Lugo (-0,40%) presentan unha taxa de variación intermensual negativa, mentres
que A Coruña (0,29%) presenta unha taxa de variación intermensual positiva.
Fonte: Ministerio de Inclusión, Seguridad Social y Migraciones e IGE
